Connect with us

Hi, what are you looking for?

News

ဖာပွန်ခရိုင် တပ်မဟာ ၅ နယ်မြေထဲစစ်ကောင်စီတပ်တွေ စစ်ရေးလှုပ်ရှားမှုပိုလုပ်လာ

ဖာပွန်ခရိုင် တောင်သုံးလုံးနဲ့ ခွေးသေမှာအခြေစိုက်တဲ့ စစ်ကောင်စီတပ်တွေဟာ ဖေဖေါ်ဝါရီ ၁၅ ရက် မနက်ပိုင်းက ကတိုင်တိကျေးရွာအုပ်စုအတွင်းရှိ လေးဖိုးထာနဲ့ ဖွေးထော်ရူကျေးရွာထဲကို လက်နက်ကြီးနဲ့နေ့စဉ်လိုလိုပစ်ခတ်နေတယ်လို့ ထုတ်ပြန်ချက်မှာ ဖော်ပြထားပါတယ်။

People's Spring
People's Spring

ကေအဲန်ယူထိန်းချုပ်နယ်မြေဖြစ်တဲ့ ဖာပွန်ခရိုင် တပ်မဟာ ၅ နယ်မြေထဲမှာ စစ်ကောင်စီက စစ်ရေးလှုပ်ရှားမှုတွေပိုလုပ်လာနေပြီး ကျေးရွာတွေထဲကို လက်နက်ကြီးနဲ့ပစ်ခတ်ခဲ့တယ်လို့ မူတြော်သတင်းစဉ်က ထုတ်ပြန်ပါတယ်။

ဖာပွန်ခရိုင် တောင်သုံးလုံးနဲ့ ခွေးသေမှာအခြေစိုက်တဲ့ စစ်ကောင်စီတပ်တွေဟာ ဖေဖေါ်ဝါရီ ၁၅ ရက် မနက်ပိုင်းက ကတိုင်တိကျေးရွာအုပ်စုအတွင်းရှိ လေးဖိုးထာနဲ့ ဖွေးထော်ရူကျေးရွာထဲကို လက်နက်ကြီးနဲ့နေ့စဉ်လိုလိုပစ်ခတ်နေတယ်လို့ ထုတ်ပြန်ချက်မှာ ဖော်ပြထားပါတယ်။

ဒါ့အပြင် ဖေဖေါ်ဝါရီ ၁၄ ရက်ကလည်း ဖာပွန်မြို့အခြေစိုက်စစ်ကောင်စီတပ်ဖွဲ့တွေဟာ ဖာပွန်အရှေ့ဘက်ခြမ်းမှာရှိတဲ့ ထူမောဒဲရွာထဲကို လက်နက်ကြီး ၂၃ လုံးပစ်ခတ်ခဲ့ပြီး ဒီလိုပစ်ခတ်မှုကြောင့် ဖာပွန်မြို့ ရပ်ကွက် ၁ နဲ့ ရပ်ကွက် ၂ က အိမ်ထောင်စု ၈ စုနဲ့ ရပ်ကွက် ၃ က ဒေသခံပြည်သူ ၈၀ နီးပါး ဘေးကင်းရာကို ထွက်ပြေးတိမ်းရှောင်ခဲ့ရတယ်လို့ ထုတ်ပြန်ချက်မှာ ပါရှိပါတယ်။

နယ်ခြားစောင့်တပ် BGF တပ်ဖွဲ့ဝင်တွေကလည်း လုံခြုံရေးအကြောင်းပြပြီး ဝါးသိုခိုရွာအနီးက ကုန်းတစ်ခုကနေ လေးဖိုးထာရွာဘက်ကို လက်နက်ကြီးနဲ့ အချက် ၂၀ ခန့်အပြင် လက်နက်ငယ်တွေနဲ့ ပစ်ခတ်ခဲ့လို့ ဒေသခံပြည်သူတွေရဲ့ ဥယျာဉ်ခြံမြေထဲကို ကျရောက်ပေါက်ကွဲခဲ့တယ်လို့ မူတြော်သတင်းစဉ်က ဖော်ပြထားပါတယ်။

Public Service Announcement

Public Service Announcement

ပြီးခဲ့တဲ့ရက်ပိုင်းက ဖာပွန်ခရိုင်ထဲမှာ စစ်ကောင်စီတပ်ဖွဲ့ဝင်အပြည့်တင်ဆောင်လာတဲ့ ၆ ဘီးကား ၄ စီး၊ ၄ ဘီးကား ၄ စီး စုစုပေါင်း ၈ စီးဟာ ကတိုင်တိဘက်ကို ဦးတည်မောင်းနှင်သွားတယ်လို့ မူတြော်သတင်းစဉ်ရဲ့ ထုတ်ပြန်ချက်အရ သိရပါတယ်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

ရန်ကုန်မြို့မှာ စည်ကားကြောင်းပြသဖို့ စစ်ကောင်စီက စျေးပွဲတော်တွေ အဆက်မပြတ်စီစဉ်နေပြီး လူငယ်တွေကို စောင့်ကြည့်ဖို့ ညွှန်ကြားချက်ထုတ်ထားကြောင်း လူထုနွေဦးက စုံစမ်းသိရပါတယ်။

Facebook