'/%3E%3C/svg%3E){kind=small}
–ဝန်ကြီးချုပ်အတွက် လက်တုံ့ပြန်မည်ဟု စစ်ကိုင်းအခြေစိုက် PDF ပြော
အဂတိမှု ခုနှစ်မှုဖြင့် မတရားဖမ်းဆီးတရားစွဲဆိုခံထားရသည့် စစ်ကိုင်းတိုင်းဝန်ကြီးချုပ် ဒေါက်တာမြင့်နိုင်ကို အကြမ်းဖက်စစ်ကောင်စီက ထောင်ဒဏ် ၂၁ နှစ်ချမှတ်လိုက်သည်။
မုံရွာအကျဥ်းထောင်တွင် ထိန်းသိမ်းခံထားရသည့်ဝန်ကြီးချုပ်ဒေါက်တာမြင့်နိုင်ကို ထောင်တွင်းအထူးတရားရုံးက ယနေ့(ဖေဖော်ဝါရီ ၂၈ရက်) အမိန့်ချလိုက်ခြင်းဖြစ် သည်။
“ဆရာ(ဝန်ကြီးချုပ်ဒေါက်တာမြင့်နိုင်) စစ်ကောင်စီရဲ့ မတရားရုံးက ကျွန်တော်တို့ ဝန်ကြီးချုပ်ကို အမှုခုနှစ်မှုအတွက် တစ်မှုကို သုံးနှစ်နဲ့ စုစုပေါင်း ထောင်ဒဏ်၂၁နှစ် ဒီနေ့ အမိန့်ချခံရပါတယ်”ဟု စစ်ကိုင်းတိုင်းအခြေစိုက် နိုင်ငံရေးလှုပ်ရှားသူတစ်ဦးက ပြောသည်။
Public Service Announcement
စစ်တပ်က နိုင်ငံတော်အာဏာလုယူပြီးနောက် စစ်ကိုင်းတိုင်း ဝန်ကြီးချုပ် ဒေါက်တာမြင့်နိုင်ကို ဖမ်းဆီးကာ ပုဒ်မ ၅၀၅ (ခ)နှင့် အဂတိမှုခုနှစ်မှုဖြင့် တရားစွဲဆိုခဲ့သည်။
ပုဒ်မ ၅၀၅ (ခ)အမှုကို ၂၀၂၁ ဒီဇင်ဘာ ၂၀ရက်တွင် ထာင်ဒဏ် (၂) နှစ်ချမှတ်ခဲ့ပြီး အဂတိမှုခုနှစ်မှုကို ယနေ့ စုပေါင်းအမိန့်ချခြင်းဖြစ်သည်။
ဝန်ကြီးချုပ်ဒေါက်တာမြင့်နိုင် ထောင်ဒဏ်ချမှတ်ခံရသည့်အပေါ် စစ်ကောင်စီအားလက်တုံ့ပြန်မည်ဟု ပြည်သူ့ကာကွယ်ရေးအဖွဲ့များက ဆိုသည်။
”မတရားမှန်း သိသိကြီးနဲ့ အမိန့်ချတဲ့တရားသူကြီးလည်း တစ်ကျော့ပြန်ခံရမှာပါ။ ပြည်သူတွေ၊နိုင်ငံရေးသမားတွေ မလုံခြုံသလို စစ်ကောင်စီဒေါက်တိုင်တွေလည်း နောက် ကျောမလုံစေရပါဘူး။ အာဏာရှင်အမြစ်ပြတ်တဲ့အထိ တိုက်မှာ”ဟု စစ်ကိုင်းတိုင်းအခြေစိုက် ပြည်သူ့ကာကွယ် ရေးအဖွဲ့ဝင်တစ်ဦးက ပြောသည်။
