'/%3E%3C/svg%3E){kind=small}
ဆော-ကျောက်ထု ၊ ဆော-ဆိပ်ဖြူ နှင့် ဆော -လောင်းရှည် လမ်းပိုင်းသုံးခုကို ဖြတ်သန်းခွင့် ပိတ်ပင်ကြောင်း PDF-SAW က ယနေ့ (မတ်လ ၃ ရက်)တွင် ထုတ်ပြန် သည်။
ယခုအခါ အကြမ်းဖက်စစ်ကောင်စီတပ်သားများနှင့် ပျူစောထီးများသည် နည်းလမ်းမျိုးစုံဖြင့် ဆောမြို့နယ် အတွင်းသို့ ကျူး ကျော်ဝင်ရောက် လာနေသည်ဟုလည်း အသိပေးသည်။
ထို့အတွက် လုံခြုံရေးအခြေအနေများကြောင့်ကြေညာ ချက် ထုတ်ပြန်သည့် အချိန်မှစ၍ ဖြတ်သန်းခွင့်ပိတ်လိုက်သည့် လမ်းပိုင်းများကို အသုံးပြု သွားလာခြင်းမပြုလုပ်ရန် တိုက်တွန်းသည်။
“စစ်ရေးအခြေအနေအရ မဖြစ်မနေ ပိတ်ဖို့ လိုအပ်လို့ ပိတ်တာပါ။အန္တရာယ်မဖြစ်ဖို့ နဲ့ ပြည်သူ့တပ်ဖွဲ့တွေကို အနှောက်အယှက်မဖြစ်ဖို့ ပြည်သူတွေ ကိုယ်တိုင် ပူးပေါင်းကူညီကြဖို့လည်း လိုတယ်”ဟု ဆောမြို့နယ် (ပအဖ) တာဝန်ရှိသူတစ်ဦးက လူထုနွေဦးသို့ ပြောသည်။
Public Service Announcement
မဖြစ်မနေ ဖြတ်သန်းသွားလာရမည်ဆိုပါက သက်ဆိုင် ရာ ကာကွယ်ရေးတပ်ဖွဲ့များကို အကြောင်းကြား အသိပေးပြီးမှ ဖြတ်သန်းသွားလာရန်လည်း သတိပေးသည်။
အကြမ်းဖက်စစ်ကောင်စီတပ်က ဖေဖော်ဝါရီလလယ်ကစ၍ အင်အား ၂၀၀ကျော်ဖြင့် ဆောမြို့နယ်အတွင်း စစ်ကြောင်းထိုးရန်ပြင်ဆင်ခဲ့သည်။
သို့သော် အဆိုပါ စစ်ကောင်စီစစ်ကြောင်းကို ပြည်သူ့ကာကွယ်ရေးပူးပေါင်းတပ်များက တိုက်ခိုက်ခဲ့ရာ ၂၀ဦးထက်မနည်း သေဆုံးကြောင်း ထုတ်ပြန်ထားသည်။
