မြောင်နယ်တွင် ​ကျေးရွာများသို့ စစ်​ကြောင်းထိုးလာ​​သော စစ်​​ကောင်စီတပ်ကို ပူး​ပေါင်းခုနစ်ဖွဲ့တိုက်ခိုက်ရာ ၁၀ဦး​သေဟုဆို

စစ်ကိုင်းတိုင်း မြောင်မြို့နယ်တွင် မြို့ပေါ်မှကျေးရွာများဘက်သို့ဆင်းလာသော အကြမ်းဖက်စစ်​ကောင်စီတပ်အား ပြည်သူ့ကာကွယ်ရေးအဖွဲ့ ခုနစ်ဖွဲ့က ပူးပေါင်းမိုင်းဆွဲတိုက်ခိုက်ခဲ့ရာ စစ်ကောင်စီဘက်မှ ၁၀ဦးသေဆုံးကြောင်း Myaung Union Army- MUAက သတင်းထုတ်ပြန်သည်။

ပြီးခဲ့သည့် မတ်လ ၁၁ရက် ည ၉နာရီခန့်က မြောင်မြို့ပေါ်မှ ဆင်းလာသော စစ်ကောင်စီအကြမ်းဖက်သမားများအား မရိုးကုန်းတံတားအနီးတွင် ပြည်သူ့ကာကွယ်လရေးပူးပေါင်းအဖွဲ့များက မိုင်းဆွဲတိုက်ခိုက်ခဲ့ရာ စစ်ကောင်စီအကြမ်းဖက်သမား ၁၀ဦးကို ချေမှုန်းနိုင်ခဲ့ပြီး ထိခိုက်ဒဏ်ရာရရှိသူ သုံးဦးရှိခဲ့ကြောင်း ထုတ်ပြန်သည်။

ကျန်ရှိနေသော အကြမ်းဖက်သမားများမှ ရမ်းသမ်းပစ်ခတ်မှုများ ဆက်တိုက် ပြုလုပ်ခဲ့သောကြောင့် ရဲဘော်များ အလျင်အမြန်ဆုတ်ခွာခဲ့ပြီး အန္တရာယ်ကင်းခဲ့ကြောင်း၊ အဆိုပါ ဖြစ်စဥ်အား Myaung Union Army -MUA၊မြောင်မြို့နယ်ပြည်သူ့ကာကွယ်ရေးနှင့် လုံခြုံရေးအဖွဲ့-CDSOM ၊ ပြည်သူတပ်မတော် (မြောင်)-MUA ၊ T.G.R ပြည်သူ့ကာကွယ်ရေးတပ်ဖွဲ့(Myaung People’s Defense Force TGR)၊ Zamani Revolution Force (MMU) ၊ မြင်းမူမြို့ပြတော်လှန်ရေးအဖွဲ့-CRF နှင့် 11 Brothers Revolution Forcesတို့မှ ပူးပေါင်းကာ ခုခံတိုက်ခိုက်ခဲ့ခြင်းဖြစ်ကြောင်း Myaung Union Army -MUAက ထပ်မံ အသိပေးသည်။

Myaung Union Army -MUA နှင့် ပူးပေါင်းအဖွဲ့များသည် မတ်လ ၁ရက်နေ့ နံနက် ၄နာရီခွဲခန့်ကလည်း မြင်းခြံမြို့နယ် ဆီမီးခုံရေနက်ဆိပ်ကမ်း၌ စစ်သင်္ဘော(၂) စီး၊ အင်အား ၁၀၀ခန့်ဖြင့် (၆)လကြာ တပ်စွဲထားသော အကြမ်းဖက်စစ်တပ်အား RPGနှင့် စတင်ပစ်ခတ်ခဲ့ပြီး စစ်သင်္ဘောတစ်စီး ပျက်စီးသွားခဲ့သည်။ လက်နက်ငယ်များဖြင့် ဆက်လက်ပစ်ခတ်ခဲ့၍ စစ်ကောင်စီအကြမ်းဖက်သမားများအထိနာပြီး ၁၉ဦးခန့် သေဆုံးကာ ထိခိုက်ဒဏ်ရာရသူ အများအပြားရှိခဲ့သည်။

Public Service Announcement