အင်အား ၄၀ကျော်ပါရှိသည့် အကြမ်းဖက်စစ် ကောင်စီရေယာဥ်ကို တိုက်ခိုက်ခဲ့ရာ စစ်ကောင်စီဘက်မှ ထိခိုက်သေဆုံးမှုရှိနိုင်ကြောင်း မြို့လှ PDFက ထုတ်ပြန်သည်။
ယနေ့(မတ်လ ၁၈) နံနက် ၄နာရီခန့်တွင် ရွှေကူမြို့နှင့် ကျောက်ကြီးရွာကြား၌ စစ်ကောင်စီရေယာဥ်ကို မြို့လှ PDFက စောင့်ကြိုတိုက်ခိုက်ခဲ့ခြင်း ဖြစ်သည်။
စစ်ကောင်စီ၏ သံခွန်မော်တော်၏ ဝမ်းအတွင်းသို့ RPG တစ်လုံး ကျရောက်ထိမှန်ခဲ့ခြင်းကြောင့် စစ်ကောင်စီတပ်သားများ ထိခိုက်သေဆုံးမှုရှိနိုင်သည်ဟု ဆိုသည်။
တိုက်ပွဲကြာမြင့်ချိန် ၁၀မိနစ်ခန့်ရှိခဲ့ပြီး မြို့လှ PDFတပ်မှ အထိအခိုက်မရှိ အောင်မြင်စွာ ဆုတ်ခွာနိုင်ခဲ့ကြောင်း အသိပေးသည်။
Public Service Announcement
ယမန်နေ့(မတ်လ ၁၇)ကလည်း ကသာမြို့မှ ဆန်တက်လာသည့်စစ်ကောင်စီ၏ စစ်သင်္ဘောနှစ်စီးကို မိုးတားနှင့် ကျောက်ကြီးရွာကြားတွင် ဒေသကာကွယ်ရေးတပ်များမှ ရှော့တိုက်ဒုန်းဖြင့် ပစ်ခတ်တိုက်ခိုက်ခဲ့ပြီး ထိခိုက်သေဆုံးမှုများရှိခဲ့သည်ဟုလည်း ထုတ်ပြန်ချက်တွင် ဖော်ပြ သည်။
စစ်ကိုင်းတိုင်းအထက်ပိုင်းတွင် ရေယာဥ်များဖြင့် အကြမ်းဖက်စစ် ကောင်စီတပ်များပြောင်းရွှေ့ခြင်းနှင့် ရိက္ခာ ပို့ဆောင်ခြင်းများကို ပြည်သူ့ကာကွယ်ရေးတပ်များက မကြာခဏကြားဖြတ်တိုက်ခိုက်နိုင်နေသည်။
