Connect with us

Hi, what are you looking for?

News

ကန့်ဘလူတွင် ငွေကြေးကောက်ခံနေသည့် ပျူစောထီးအဖွဲ့ တိုက်ခိုက်ခံရ

တိုက်ခိုက်ခံရမှုကြောင့် ပျူစောထီးအဖွဲ့မှ ခုနစ်ဦးထိခိုက်ပြီး လေးဦးမှာဒဏ်ရာပြင်းထန်ကာ သေဆုံးနိုင်ခြေရှိကြောင်း ထုတ်ပြန်ထားသည်။

People's Spring
People's Spring

စစ်ကိုင်းတိုင်း ကန့်ဘလူမြို့နယ်ရှိ စစ်ကောင်စီထောက်တိုင် ပျူစောထီးအဖွဲ့တစ်ဖွဲ့ကို အဝေးထိန်းမိုင်းဖြင့် ဖောက်ခွဲတိုက်ခိုက်ခဲ့ကြောင်း Kanbalu Underground Warriors အဖွဲ့က ယနေ့(မတ်လ ၁၈) ထုတ်ပြန်သည်။

ယနေ့နံနက် ၈ နာရီ မိနစ်၂၀ခန့်က ကာဘိုးရွာနှင့် အိုင်ပေါင်းချောင်ကျေးရွာကြား လက်ပံပင်အနီးဂိတ်ချ၍ စျေးသည်များအား ငွေညှစ်နေသော ပျူစောထီးအဖွဲ့ကို အဝေးထိန်းမိုင်းဖြင့် ဖောက်ခွဲတိုက်ခိုက်ခဲ့ကြောင်း ထုတ်ပြန်ချက်တွင် ဖော်ပြသည်။

တိုက်ခိုက်ခံရမှုကြောင့် ပျူစောထီးအဖွဲ့မှ ခုနစ်ဦးထိခိုက်ပြီး လေးဦးမှာဒဏ်ရာပြင်းထန်ကာ သေဆုံးနိုင်ခြေရှိကြောင်း ထုတ်ပြန်ထားသည်။

မတ်လ ၆ရက်ကလည်း ကားဘိုးတိုက်နယ် ကျည်စုကျေးရွာမှ စစ်ကောင်စီခန့်အုပ်ချုပ်ရေးမှူးနှင့် ပျူစောထီးအဖွဲ့ခေါင်းဆောင်တစ်ဦးလည်းဖြစ်သူ ထွန်းဦးဆိုသူကို ဒေသကာကွယ်ရေးအဖွဲ့များက သုတ်သင်ရှင်းလင်းခဲ့သည်။

Public Service Announcement

Public Service Announcement

ဆက်စပ်သတင်းများ

သတင်း

ပဲခူးတိုင်း၊ နတ်တလင်းမြို့နယ်မှာ ကင်းပတ်ထွက်လာတဲ့ စစ်တပ်လက်အောက်ခံ ပျူစောထီးအဖွဲ့ဝင်တွေ တိုက်ခိုက်ခံရပြီး ၂ ဦး သေဆုံးခဲ့တယ်လို့ ပဲခူးတိုင်းစစ်ဌာနက ဒီနေ့ အောက်တိုဘာ ၃၀ ရက် ညပိုင်းမှာ ထုတ်ပြန်ပါတယ်။

သတင်း

မွန်ပြည်နယ်၊ ကျိုက်ထိုမြို့နယ်က ကျေးရွာတွေကို အာဏာသိမ်းစစ်တပ်က ဒရုန်း၊ လက်နက်ကြီးတွေနဲ့ ဆက်လက်ပစ်ခတ်တိုက်ခိုက်ခဲ့ရာ ကလေးငယ် ၁ဦး ဒဏ်ရာရခဲ့ကြောင်း ကရင်အမျိုးသားအစည်းအရုံး(KNU) သထုံခရိုင် သတင်းရင်းမြစ်က ပြောပါတယ်။

အတွေးအမြင်

Tiktok အကောင့်တွေ ဖွင့်လိုက်တိုင်း ပျက်ပျက်သွားလို့ စိတ်အနှောင့်အယှက်ကြီးစွာ ကြုံနေရတဲ့ သင်္ကန်းဝတ် ပျူခေါင်းဆောင် ပေါက်ကိုယ်တော်ဟာ ဒီတခါမှာတော့ Tiktok အကောင့်ပျက်တာထက် ဆိုးရွားတဲ့ ခံစားမှုတစ်ခုကို ရရှိနေပုံရပါတယ်။ အဲဒါကတော့ မန္တလေးမှာ သောင်းကျန်းနေတဲ့ သူ့ရဲ့ ပျူစောထီးတပည့်တွေကို သူ့နာမည်ဆက်မသုံးဖို့ ပြင်းပြင်းထန်ထန် တားမြစ်လိုက်တာပါ။

သတင်း

မန္တလေးမြို့ပေါ်မှာ သောင်းကျန်းနေတဲ့ ပျူစောထီးတပည့်တွေကို သူ့နာမည်မသုံးဖို့ ပျူစောထီးခေါင်းဆောင် ပေါက်ကိုယ်တော်က တားမြစ်လိုက်ပါတယ်။