'/%3E%3C/svg%3E){kind=small}
ကေအဲန်ယူထိန်းချုပ်နယ်မြေဖြစ်တဲ့ ဒူးပလာယာခရိုင် ကော့ကရိတ်မြို့နယ် ထီးမူထကျေးရွာထဲကို ဒီကနေ့မနက်ပိုင်းမှာ စစ်ကောင်စီတပ်က လက်နက်ကြီးနဲ့ပစ်လို့ ဆယ်တန်းကျောင်းသူသေဆုံးခဲ့ပြီး သုံးဦးဒဏ်ရာရရှိခဲ့တယ်လို့ ကရင်လူ့အခွင့်အရေးအဖွဲ့(KHRG)က သတင်းထုတ်ပြန်ပါတယ်။
ဒီကနေ့ မတ်လ ၂၄ ရက်နေ့ မနက် ၅ နာရီ ၄၅ မိနစ်အချိန်က စစ်ကောင်စီတပ်ဟာ ထီးမူးထကျေးရွာထဲကို လက်နက်ကြီးနဲ့ အချက်ပေါင်း ၂၀ ခန့် ပစ်ခတ်ခဲ့ပြီး နေအိမ်တွေထိမှန်ပျက်စီးကာ အသက် ၁၇ ရွယ် ဆယ်တန်းကျောင်းသူတစ်ဦးသေဆုံးသွားခဲ့ပြီး သုံးဦး ထိခိုက်ဒဏ်ရာရရှိသွားခဲ့တာပါ။
တိုက်ပွဲတွေဖြစ်ပွားတာမရှိပဲ စစ်ကောင်စီတပ်ဟာ လက်နက်ကြီးနဲ့ ကျေးရွာတွေထဲကို ပစ်ခတ်ခဲ့တာဖြစ်တယ်လို့ KHRG ရဲ့ ပြောကြားချက်အရ သိရပါတယ်။
