စစ်ကိုင်းတိုင်း မင်းကင်းမြို့နယ် တောင်တွင်းချောင်ဒေသ၌ တပ်စွဲထားသော စစ်ကောင်စီတပ်ကို ပစ်ခတ်တိုက်ခိုက်ခဲ့ကြောင်း KLG – PDFက ယနေ့(မတ် ၂၈) ထုတ်ပြန်သည်။
ယနေ့နံနက် ၁၀ နာရီခန့်တွင် တောင်တွင်းချောင်ဒေသ ကျော်ရွာတွင် တပ်စွဲထားသော စစ်ကောင်စီတပ်နှင့် ပျူစောထီးများကို KLG – PDF နှင့် မဟာမိတ်များဖြစ်သော ရွေသမင်မုဆိုး၊ TDPDF အဖွဲ့များ ပူးပေါင်းတိုက်ခိုက်ခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြသည်။
“မနက်ခင်း ၁၀ နာရီလောက်ကစပြီး ကျွန်တော်တို့အဖွဲ့တွေ စနိုက်ပါနဲ့ သွားပစ်ကြတာဗျ။ စကစဘက်က လက်နက်ကြီးနဲ့ ပြန်ပြစ်လို့ ခဏပြန်ခဲ့တယ်ဗျ။ လက်နက်ကြီးပစ်တာငြိမ်သွားမှ နောက်ကြိမ်သွားပြီး ထပ်ပစ်တာ အားလုံးငါးကောင်သေတယ်”ဟု KLG – PDF မှ တော်လှန် ရေးရဲဘော်တစ်ဦးက ပြောသည်။
ယခုရက်ပိုင်းအတွင်း ကနီမြို့နယ်အပါအဝင် မင်းကင်းနယ် တောင်တွင်းချောင်ဒေသ၌ တိုက်ပွဲများနေ့စဥ်နီးပါးဖြစ်ပွားလျှက်ရှိရာ ဒေသကာ ကွယ်ရေးတပ်ဖွဲ့များတွင် ခဲယမ်းနှင့် ကျည်ဖိုးများ လိုအပ်ချက်များလာနေကြောင်းလည်း ၎င်းက ဆက်ပြောသည်။
Public Service Announcement
အထက်ပါဒေသအတွင်းဖြစ်ပွားသော တိုက်ပွဲများတွင် ယခုမတ်လအတွင်း စစ်ကောင်စီတပ်နှင့် ပျူစောထီး ၄၀ ဦးခန့်ကိုလည်း သုတ်သင်နိုင်ခဲ့ပြီဖြစ်ကြောင်း KLG – PDF က အတည်ပြုသည်။
