ရိုဟင်ဂျာလူသားချင်းစာနာမှုအကျပ်အတည်းပူးတွဲတုံ့ပြန်ရေးအစီအစဉ်အတွက် အမေရိကန်က ဒေါ်လာ ၁၅၂ သန်းကျော် ထပ်မံကူညီထောက်ပံ့မည်ဟု ယမန်နေ့တွင်ထုတ်ပြန်ကြေညာသည်။
မြန်မာစစ်တပ်၏ လူမျိုးသုဉ်းသတ်ဖြတ်ခြင်း၊ လူသားမျိုးနွယ်စုအပေါ် ရာဇဝတ်မှုကျူးလွန်ခြင်းနှင့် ရိုဟင်ဂျာမျိုးနွယ်စုရှင်းလင်းခြင်းများ ခံစားခဲ့ရသည့် ဘင်္ဂလားဒေ့ရှ်၊ မြန်မာနှင့် ဒေသတွင်းရှိ လူသားချင်းစာနာမှုအကူအညီလိုနေသူ အတွက် အမေရိကန်ဒေါ်လာ ၁၅၂ သန်းကျော် ပေးအပ်မည်ဟု ကြေညာခဲ့ခြင်းဖြစ်သည်။
ရိုဟင်ဂျာ ၇၄၀၀၀၀ ကျော်ကို ဘင်္ဂလားဒေ့ရှ်သို့ အတင်းအကြပ်ပြောင်းရွှေ့စေခဲ့ သည့် ၂၀၁၇ ဩဂုတ်ကတည်းက အမေရိကန်သည် ယခုရန်ပုံငွေအသစ် အပါအဝင် အဆိုပါအရေးတုံ့ပြန်မှုအတွက် ဒေါ်လာ ၁.၇ ဘီလီယံ ပံ့ပိုးကူညီ ခဲ့ပြီးဖြစ်ကြောင်း ထုတ်ပြန်သည်။
