Connect with us

Hi, what are you looking for?

News

မတူပီ CDF တိုက်ခိုက်မှုကြောင့် နှစ်ရက်အတွင်း စစ်ကောင်စီတပ် ၁၆ဦးထက်မနည်းသေ၊ ဒဏ်ရာရသူများ

စစ်ကောင်စီတပ်သည် ယနေ့ နေ့လယ်ပိုင်းတွင် မတူပီမှ ကျောက်သယ်ယာဉ်များဖြင့် စစ်အင်အားဖြည့်တင်းနေကြောင်း၊ CDF တပ်ဖွဲ့ဝင်များ ရှိနိုင်သည်ဟု ယူဆသည့်နေရာများကိုလည်း လက်နက်ကြီးများဖြင့် ပစ်ခတ်နေကြောင်း ၎င်းက ဆိုသည်။

မတူပီအခြေစိုက် စစ်ကောင်စီတပ် စစ်ကြောင်းများကို မိုင်းဆွဲတိုက်ခိုက်ခြင်း၊ ခြုံခိုတိုက်ခိုက်ခြင်းများ လုပ် ဆောင်ခဲ့ရာ နှစ်ရက်အတွင်း စစ်ကောင်စီတပ်မှ ၁၆ဦးထက်မနည်းသေဆုံးပြီး ထိခိုက်ဒဏ်ရာရသူများပြားကြောင်း မတူပီ ချင်းကာကွယ်ရေးတပ်(CDF) ပြန်ကြား ရေးတာဝန်ရှိသူတစ်ဦးက ပြောသည်။

ကျောက်ထု – မင်းတပ်မှတစ်ဆင့် မတူပီမြို့တို့ အင်အားဖြည့်တင်းရန်လာသည့် စစ်ကောင်စီတပ်ယာဉ်တန်းကို သွားကြိုမည့် မတူပီအခြေစိုက် စစ်ကောင်စီတပ်ကိုမတ်လ ၃၀ရက်မှစ၍ မတူပီ CDF တပ်ဖွဲ့ဝင်များက တိုက်ခိုက်ခဲ့ခြင်း ဖြစ်သည်။

“ဖြစ်စဉ်က မနေ့ကသူတို့ မြို့ကနေ စထွက်တော့ မိုင်းနင်းမိတယ်။ မိုင်းနင်းမိတော့ ကျဆုံးတာ တွေရှိတယ်။ ဒီမနက်တော့ ကျွန်တော်တို့က ခြုံခိုတိုက်ခိုက်တယ်။ အဲဒီမှာက ၁၁ယောက် လောက်ကျတယ်။ ကျွန်တော်တို့က မိုင်းတွေရော လက်ပစ်ဗုံးတွေရော အဲဒီမှာ တိုက်ခိုက်တာ။ ဒီနေ့က မနက် ၇နာရီခွဲမှာ ၁၁ယောက်လောက်ကျတယ်။ ၉နာရီခွဲ တိုက်ပွဲမှာက ၃ယောက်လောက် ထပ်ကျတယ်။ စုစုပေါင်း သူတို့ဘက်က ၁၆ယောက်လောက်ကျတယ်။ဒဏ်ရာကတော့ အတည်မပြုနိင်သေးဘူး သူတို့ ကားပေါ်တင်သွားတာပေါ့”ဟု မတူပီ CDF သတင်းနှင့် ပြန်ကြားရေးဌာန တာဝန်ရှိသူက ပြောသည်။

စစ်ကောင်စီတပ်သည် ယနေ့ နေ့လယ်ပိုင်းတွင် မတူပီမှ ကျောက်သယ်ယာဉ်များဖြင့် စစ်အင်အားဖြည့်တင်းနေကြောင်း၊ CDF တပ်ဖွဲ့ဝင်များ ရှိနိုင်သည်ဟု ယူဆသည့်နေရာများကိုလည်း လက်နက်ကြီးများဖြင့် ပစ်ခတ်နေကြောင်း ၎င်းက ဆိုသည်။

Public Service Announcement

Public Service Announcement

လက်ရှိတွင် မတူပီမှ ထွက်ခွာသည့် စစ်ကြောင်းသည် မြို့နှင့် ၁၅မိုင်ခန့်အကွာသို့ သွားနိုင်ပြီဟု ယူဆကြောင်း၊ မင်းတပ်ဘက်မှ တက်လာသည့် စစ်ကောင်စီယာဉ်တန်းများလာပါက တိုက်ပွဲပိုမို ပြင်းထန်လာနိုင်ကြောင်း မတူပီ CDF တာဝန်ရှိသူက ပြောသည်။

စစ်ကောင်စီယာဉ်တန်းများ ထွက်ခွာလာသည့် သတင်းကြောင့် မင်းတပ် – မတူပီ လမ်းရှိ ဒေသခံ ပြည်သူများ စစ်ဘေးတိမ်းရှောင်နေကြရကြောင်း ၎င်းကဆိုသည်။

“စစ်ယာဉ်တန်းတွေလာတော့ အရင်က ဒုက္ခပေးတာတို့ ပစ္စည်းတွေလုယူတာတို့ဖြစ်တော့ သူတို့ က ဒီတစ်ခါ လာပြီဆိုတာနဲ့ သူတို့ ရှိသမျှပစ္စည်းတွေအကုန်ထုပ်ပြီးတောထဲ တောင်ထဲကို ရှောင်တယ်။ အခုထိတော့ အဲဒီလိုပေါ့။ စစ်ယာဉ်တန်းတွေ အကုန်လုံးသွားပြီး ပြီဆိုမှ အခြေ အနေ ငြိမ်ပြီဆိုမှ သူတို့က ပြန်ဝင်မှာပေါ့။ ကျွန်တော်တို့ဘက်ကလည်း စစ်ကောင်စီဘက်က ထောင်ထားတဲ့ မိုင်းတွေ အကုန်လုံးရှင်းပေးပြီးမှ သူတို့က ပြန်လာဖို့ရှိတာပေါ့။ ဒါက စစ်ရေးအပေါ်မှာလည်း အများကြီးမူတည်တယ်လေ”ဟု မတူပီ CDF တာဝန်ရှိသူက ပြောသည်။

လတ်တလော တိုက်ပွဲများအတွင်း CDF တပ်ဖွဲ့ဝင်များ ထိခိုက်ကျဆုံးမှုမရှိဟု ၎င်းက ဆိုသည်။

စစ်ကောင်စီတပ်၏ ယာဉ်တန်းသည် မတ်လ ၂၆ရက်မှစ၍ မင်းတပ်မှ ထွက်ခွာလာရာ မင်းတပ် CDFက အဆိုပါ ယာဉ်တန်းကို ကြားဖြတ်တိုက်ခိုက်မှုများ လုပ်ဆောင်လျက်ရှိပြီး စစ်ကောင်စီတပ်မှသေဆုံးထိခိုက်မှုများရှိနေသည်။

ဆက်စပ်သတင်းများ

သတင်း

စစ်အာဏာရှင်စနစ် အဆုံးသတ်ရေး၊ ငြိမ်းချမ်းရေးနဲ့ တည်ငြိမ်ရေး ပြန်လည်တည်ဆောက်ရေး၊ ဒီမိုကရေစီစနစ် ပြန်လည်ရရှိရေး၊ ဖက်ဒရယ်ဒီမိုကရေစီပြည်ထောင်စု တည်ဆောက်ရေးတို့အတွက် ဖက်ဒရယ်ဒီမိုကရေစီ ပြည်ထောင်စုပေါ်ထွန်းရေးဦးဆောင်ကောင်စီ(SCEF)မှာ အဓိက ဦးဆောင်အဖွဲ့အစည်းတစ်ရပ်အဖြစ် လက်တွဲကြိုးပမ်းလျက်ရှိကြောင်း ပြည်ထောင်စုလွှတ်တော်ကိုယ်စားပြုကော်မတီ(CRPH)က ထုတ်ပြန်ပါတယ်။

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

Facebook