Connect with us

Hi, what are you looking for?

News

CDF မတူပီ တိုက်ခိုက်မှုကြောင့် စစ်ကောင်စီတပ် အရာရှိအပါအဝင် ၉ဦးထပ်မံသေဆုံး

ကျောက်ထုမှ မတူပီမြို့သို့ စစ်အင်အားဖြည့်တင်းရန်လာသော တင့်ကားနှစ်စီးအပါအဝင် စစ်ကားအစီး​ရေ ၈၀ ကျော်ပါယာဉ်တန်းကို မတ်လ ၃၁ ရက်ကစ၍ မတူပီ အခြေစိုက် ခလရ (၃၀၄)မှ ဆင်းကြိုစဥ် CDF- Matupi နှင့် ထိတွေ့တိုက်ပွဲ များ စတင်ဖြစ်ပွားခဲ့သည်။

ချင်းပြည်နယ် မတူပီမြို့နယ် တိုက်ပွဲ၌ စစ်ကောင်စီတပ်မှ အရာရှိတစ်ဦးအပါအဝင် ကိုးဦးသေဆုံးကြောင်း CDF -Matupi က ယနေ့(ဧပြီ ၂ ရက်) ထုတ်ပြန်သည်။

တိုက်ပွဲဖြစ်စဥ်များအရ ယမန်နေ့(ဧပြီ ၁ ရက်) နေ့လယ် ၁နာရီခန့်က မတူပီ-မင်းတပ် လမ်းပိုင်းတွင် စစ်ကြောင်းထိုးနေသည့် စစ်ကောင်စီတပ်ကို မိုင်းဆွဲတိုက်ခိုက်ရာ အရာရှိတစ်ဦး အပါအဝင် အနည်းဆုံးသုံးဦးသေဆုံးကာ ပြင်းထန်ဒဏ်ရာရရှိသူများလည်း ရှိခဲ့သည်။

ထို့နောက် ယနေ့(ဧပြီ ၂ ရက်) နံနက် ၁၁နာရီခွဲခန့်တွင် ချန်းပြန်းရွာအနီးတိုက်ပွဲ ထပ်မံပြင်းထန်ခဲ့ပြီး စစ်ကောင်စီဘက်မှ ခြောက်ဦးသေဆုံးခဲ့သည်။

“ဒီနေ့ တိုက်ပွဲဆိုလည်း သုံးနာရီနီးပါးကြာတယ်။ကျွန်တော် တို့ တပ်ဖိထားတဲ့ ချန်းပြန်းရွာသစ်ဘက်ကို ထိုးပြီးဝင်ချင်တာပေါ့။ဒါပေမယ့် ကျွန်တော်တို့ အကောင်းဆုံးထိန်းချုပ်ထားနိုင်တယ်။ဒါကြောင့် သူတို့ဘက်က စစ်အင်အား တွေထပ်ဖြည့်ဖို့ လုပ်နေတယ်”ဟု CDF မတူပီ၏ ပြန်ကြားရေးတာဝန်ခံက လူထုနွေဦးသို့ ပြောသည်။

Public Service Announcement

Public Service Announcement

ထို့အပြင် မင်းတပ်မြို့မှလာသည့် စစ်ယာဉ်တန်းများကို မတူပီ အခြေစိုက်တပ်များ သွားမကြိုနိုင်စေရန် ခုခံတိုက်ခိုက်သွားမည်ဖြစ်ကြောင်း CDF မတူပီ ပြောရေး ဆိုခွင့်ရှိသူက ပြောသည်။

“ဟိုဘက် မင်းတပ်ဘက်က ဆင်းလာတာက လောလော ဆယ် မိုင်၆၀ နီးပါးတော့ ရောက်ပြီ။ အဲဒီ စစ်ကြောင်း ထပ်ရောက်ရင် ကျွန်တော်တို့က အတက်နိုင်ဆုံး ခုခံတားဆီးဖို့ရှိတာကြောင့် တိုက်ပွဲက ပိုပြင်းထန်မယ့်အနေအထားတော့ ရှိပါတယ်”ဟု ၎င်းက ပြောသည်။

တိုက်ပွဲပြင်းထန်ပြီး စစ်ကောင်စီတပ်မှ သေဆုံးထိခိုက်မှုများသည့် မတ်လ ၃၁ရက် တိုက်ပွဲတွင် စစ်ကောင်စီ တပ် လေကြောင်းတိုက်ခိုက်ရန်လာရောက်သော်လည်း ရာသီဥတု အခြေအနေကြောင့် လေကြောင်းတိုက်ခိုက်မှု မရှိခဲ့ဟု ဆိုသည်။

“အပြင်းအထန် တိုက်ပွဲဖြစ်တဲ့ ၃၁ရက် မနက် ၇နာရီ တိုက်ပွဲစဖြစ်တဲ့နောက်ပိုင်း ၈နာရီခွဲလောက်မှာ လေကြောင်းကနေလာတယ်။ ပစ်ကူတောင်း တယ်ပေါ့။ ဒါပေမဲ့ ရာသီဥတုအခြေအနေက ကျွန်တော်တို့ဘက်မှာ ဆိုးရွားတာဆိုတော့ လေကြောင်း ပစ်ကူမရှိတော့ဘဲ ညီနောင်မဟာမိတ် CDF မင်းတပ်ရဲ့ ၅၄ မိုင်တိုက်ပွဲမှာ လေကြောင်း အသုံးပြုသွားတယ်လို့သတင်းရရှိတယ်” ဟု CDF ပြောရေးဆိုခွင့်ရှိသူက ပြောသည်။

တိုက်ပွဲအတွင်း CDF ရဲ​ဘော်များ ထိခိုက်ကျဆုံးမှုမရှိခဲ့ဟု ထုတ်ပြန်ချက်၌ ဖော်ပြသည်။

သို့သော် မတူပီအခြေစိုက် စစ်ကောင်စီတပ်ရင်းများက အင်အားအလုံးအရင်း ဆက်လက်ဖြည့်တင်းနေသည်ဟုလည်း CDFက ထပ်မံ အသိပေးသည်။

ကျောက်ထုမှ မတူပီမြို့သို့ စစ်အင်အားဖြည့်တင်းရန်လာသော တင့်ကားနှစ်စီးအပါအဝင် စစ်ကားအစီး​ရေ ၈၀ ကျော်ပါယာဉ်တန်းကို မတ်လ ၃၁ ရက်ကစ၍ မတူပီ အခြေစိုက် ခလရ (၃၀၄)မှ ဆင်းကြိုစဥ် CDF- Matupi နှင့် ထိတွေ့တိုက်ပွဲ များ စတင်ဖြစ်ပွားခဲ့သည်။

ထိုဖြစ်စဥ်တွင် စစ်ကောင်စီတပ်သား ၁၆ဦးသေဆုံးကာ CDFမှ ရဲဘော်နှစ်ဦးကျဆုံးခဲ့ရသည်။

ဆက်စပ်သတင်းများ

သတင်း

စစ်အာဏာရှင်စနစ် အဆုံးသတ်ရေး၊ ငြိမ်းချမ်းရေးနဲ့ တည်ငြိမ်ရေး ပြန်လည်တည်ဆောက်ရေး၊ ဒီမိုကရေစီစနစ် ပြန်လည်ရရှိရေး၊ ဖက်ဒရယ်ဒီမိုကရေစီပြည်ထောင်စု တည်ဆောက်ရေးတို့အတွက် ဖက်ဒရယ်ဒီမိုကရေစီ ပြည်ထောင်စုပေါ်ထွန်းရေးဦးဆောင်ကောင်စီ(SCEF)မှာ အဓိက ဦးဆောင်အဖွဲ့အစည်းတစ်ရပ်အဖြစ် လက်တွဲကြိုးပမ်းလျက်ရှိကြောင်း ပြည်ထောင်စုလွှတ်တော်ကိုယ်စားပြုကော်မတီ(CRPH)က ထုတ်ပြန်ပါတယ်။

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

Facebook