Connect with us

Hi, what are you looking for?

News

ဘန့်​ဘွေးရွာ တပ်စခန်းဝင်​ရောက်စီးနင်းတိုက်ခိုက်ရာ စစ်​ကောင်စီတပ်သား ကိုးဦး​သေ၊ ၁၅ဦးဒဏ်ရာရဟု ဗိုလ်နဂါး​ပြော

“အရေးသာသော်လည်း အနောက်မြောက်တိုင်းစစ်ဌာန ချုပ်(နမခ)လေတပ်စခန်းနှင့် (၇)မိုင်သာဝေးသည့်အတွက် မိနစ်၃၀ပြည့်ချိန်မှာ အောင်မြင်စွာဆုတ်ခွာလာခဲ့ပါတယ်”ဟု ဗိုလ်နဂါးက ရှင်းပြသည်။

ယင်းမာပင်မြို့နယ် ဘန့်ဘွေးရွာအနီးရှိ စစ်ကောင်စီတပ်စခန်းအတွင်းပိုင်းထိ ဝင်ရောက်စီးနင်းတိုက်ခိုက်နိုင်ခဲ့ကြောင်း မြန်မာ့တော်ဝင်နဂါးတပ်တော်(MRDA)ဦးဆောင်သူ ဗိုလ်နဂါးက ပြောသည်။

ယနေ့(ဧပြီ ၅ရက်) နံနက် ၄နာရီခွဲတွင် MRDA မှ ဦးဆောင်ကာ ချင်းတွင်းတော်လှန်ရေးတပ်ဖွဲ့ (CRF)၊ ကျောက်လုံးကြီးအဖွဲ့ (KLG)တို့၏ ပူပေါင်းပါဝင်မှုဖြင့် မိနစ်၃၀ မစ်ရှင်သတ်မှတ်ကာ ဝင်ရောက်တိုက်ခိုက်ခဲ့သည်ဟု ၎င်းက ဆိုသည်။

“အရေးသာသော်လည်း အနောက်မြောက်တိုင်းစစ်ဌာန ချုပ်(နမခ)လေတပ်စခန်းနှင့် (၇)မိုင်သာဝေးသည့်အတွက် မိနစ်၃၀ပြည့်ချိန်မှာ အောင်မြင်စွာဆုတ်ခွာလာခဲ့ပါတယ်”ဟု ဗိုလ်နဂါးက ရှင်းပြသည်။

တိုက်ပွဲအတွင်း စစ်ကောင်စီတပ်သား ကိုးဦးသေဆုံးကာ ၁၅ဦး ပြင်းထန်ဒဏ်ရာရရှိခဲ့သည်ဟုလည်း ၎င်းက ဆက်လက် ပြောသည်။

Public Service Announcement

Public Service Announcement

ယခုနှစ်အတွင်း မြန်မာ့တော်ဝင်နဂါးတပ်တော် တပ်ဖွဲ့မှဦးဆောင်၍ ယခုကဲ့သို့ စခန်းထိုးစစ်များ ငါးကြိမ်ခန့်၊ စစ်ကြောင်းတန်ပြန်ပျောက်ကြားထိုးစစ်များ ခုနှစ်ကြိမ်ခန့်နှင့် မိုင်းဆွဲတိုက်ခိုက်မှု ရှစ်ကြိမ်အထက် ဆောင်ရွက်ခဲ့ပြီးဖြစ်ကြောင်း MRDက ဆိုသည်။

ထို့အပြင် မကြာသေးမီက ပြည်သူ့ဆိုင်ကယ်အား လုယူလာသည့် စစ်ကောင်စီ တပ်သား တစ်ဦးအားလက်နက်မဲ့ဝင်ရောက်လုံးထွေးသတ်ပုတ်ဖမ်းဆီးပြီး ဒေသခံ ယင်းမာပင်ခရိုင်(ပကဖ)ထံ အပ်နှံခဲ့သည်မှာလည်း (MRDA) ၏ နဂါးစစ်သည်တော် တစ်ဦးပင်ဖြစ်ကြောင်း ဗိုလ်နဂါးက အသိပေးသည်။

၎င်းဖြစ်စဉ်၏ ရလဒ်အဖြစ် ဖမ်းမိလာသောစစ်ကောင်စီတပ်သား၏ ဝန်ခံဖော်ထုတ်လာသော စစ်တပ်၏ လူ့အခွင့်ရေးချိုးဖောက်မှုများ စစ်ရာဇဝတ်မြောက်သည့် ပြည်သူ့အပေါ် ယုတ်မာညစ်းညမ်းသည့်ဖြစ်စဉ်များ သတ်ဖြတ်မှုများကို ချပြနိုင်ခဲ့ကြောင်းလည်း MRDA က ထုတ်ပြန်သည်။

ထို့အပြင် မြန်မာပြည်အောက်ပိုင်းနှင့် အလယ်ပိုင်းနေရာ အများစုတွင်လည်း မြန်မာ့တော်ဝင်နဂါးစစ်သည်တော်များအနေဖြင့် တော်လှန်ရေးလုပ်ငန်းစဉ်များအား ကြိုးစားဆောင်ရွက်နေကြောင်းလည်း ထုတ်ပြန်ချက်၌ ဖော်ပြသည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

ရန်ကုန်မြို့မှာ စည်ကားကြောင်းပြသဖို့ စစ်ကောင်စီက စျေးပွဲတော်တွေ အဆက်မပြတ်စီစဉ်နေပြီး လူငယ်တွေကို စောင့်ကြည့်ဖို့ ညွှန်ကြားချက်ထုတ်ထားကြောင်း လူထုနွေဦးက စုံစမ်းသိရပါတယ်။

Facebook