Connect with us

Hi, what are you looking for?

News

က​လေးမြို့တာဟန်သပိတ်ခံတပ်ဖြိုခွင်းခံရ​သောတစ်နှစ်ပြည့်အဖြစ်တိုက်ခိုက်ရာ စစ်​ကောင်စီတပ် ၆ ဦး​သေ

စစ်ကောင်စီအကြမ်းဖက်စစ်သားများ၏ ရမ်းသမ်းပစ်ခတ်မှုကြောင့် အပြစ်မဲ့ပြည်သူ ၁ ဦး ထိမှန်သေဆုံးသွားခဲ့သည်ဟုလည်းပါရှိသည်၊၊

(က​လေးမြို့ တာဟန်ပင်မသပိတ်ခံတပ်ကို စစ်​ကောင်စီတပ်က ၂၀၂၁ ဧပြီ ၇ ရက်ကအကြမ်းဖက်ဖြိုခွင်းခဲ့စဥ်)

ကလေးမြို့တာဟန်းပင်မသပိတ်ခံတပ် ဖြိုခွင်းခံရခြင်းတစ်နှစ်ပြည့် အထိမ်းအမှတ်အဖြစ် အကြမ်းဖက်စစ်ကောင်စီတပ်ကို မိုင်းခွဲတိုက်ခိုက်မူနှစ်ကြိမ်ပြုလုပ်ခဲ့ရာ စစ်ကောင်စီတပ်သား ၆ဦးသေဆုံးကြောင်း ကလေးမြို့ ပြည်သူ့ကာကွယ်ရေးတပ်ဖွဲ့က သတင်းထုတ်ပြန်သည်။

ယနေ့(ဧပြီ ၇ ရက်) နံနက် ၇နာရီဝန်းကျင်တွင် အကြမ်းဖက်စစ်ကောင်စီတပ်သား ၈ဦးသည် ကလေးတက္ကသိုလ် မုဒ်ဦးအနီး ဗိုလ်ချုပ်လမ်းမကြီးပေါ်ရှိ ရွှေနှင်းဆီလက်ဖက်ရည်ဆိုင်အတွင်းမှ လမ်းမပေါ်သို့ထွက်လာစဉ် အသင့်တပ်ဆက်ထားသည့် မိုင်းများဖြင့် ဖောက်ခွဲခဲ့ခြင်းဖြစ်သည်။ မိုင်းများဖောက်ခွဲပြီး လက်နက်ငယ်များဖြင့် ၅ မိနစ်ခန့် ဝင်ရောက်ပစ်ခတ်တိုက်ခိုက်ခဲ့သည်ဟုဆိုသည်။ တိုက်ခိုက်မှုအတွင်း စစ်ကောင်စီအကြမ်းဖက်စစ်သား အနည်းဆုံး ၃ ဦးသေဆုံးသွားသည်ဟုထုတ်ပြန်ချက်တွင်ပါရှိသည်။

ထိုနောက် နံနက် ၁၀နာရီခန့်တွင် ကလေး တက္ကသိုလ်မှ ကလေးမြို့သို့ မောင်းလာသည့် စစ်ကောင်စီ၏ စစ်ကား နှစ်စီးကို မိုင်းဆွဲတိုက်ခိုက်ခဲ့ပြီး လက်နက်ငယ်များဖြင့် တစ်မိနစ်ပစ်ခတ်ခဲ့သည်။

ထိုတိုက်ခိုက်မှုကြောင့် ကား ၂ စီးလုံး ထိမှန်ပျက်စီးသွားပြီး စစ်ကောင်စီအကြမ်းဖက်စစ်သား ၃ ဦး ခန့် သေဆုံးသည်ဟုလည်းပါရှိသည်။

Public Service Announcement

Public Service Announcement

အဆိုပါတိုက်ခိုက်မှုများသည် ကလေးမြို့၊ တာဟန်းပင်မသပိတ်ခံတပ် ဖြိုခွင်းမှုအတွင်းကျဆုံးခဲ့ရသော အာဇာနည်သူရဲကောင်းများ​၏ သွေးကြွေးအတွက် ရည်စူးသည်ဟု PDF(ကလေး)၏ ထုတ်ပြန်ချက်တွင်​ဖော်ပြထားသည်။

စစ်ကောင်စီအကြမ်းဖက်စစ်သားများ၏ ရမ်းသမ်းပစ်ခတ်မှုကြောင့် အပြစ်မဲ့ပြည်သူ ၁ ဦး ထိမှန်သေဆုံးသွားခဲ့သည်ဟုလည်းပါရှိသည်၊၊

ကလေးမြို့ တာဟန်းရပ်ကွက်ရှိ ခံတပ်သပိတ်ကိုအကြမ်းဖက်စစ်ကောင်စီတပ်များက ၂၀၂၁ ဧပြီ ၇ ရက် မနက် ၅နာရီခန့်က စစ်​ကောင်စီတပ်သားအင်အား ၁၀၀ကျော်ဖြင့် ဝိုင်းပစ်ခတ်ဖြိုခွင်းခဲ့ခြင်းဖြစ်သည်။ထိုနေ့က ဒေသခံများနှင့်ညှိနှိုင်းမှုများအရ နံနက် ၁၀ နာရီအထိ ပစ်ခတ်မည်မဟုတ်ကြောင်း စစ်ကောင်စီတပ်ကကတိပေးခဲ့သော်လည်းအကြမ်းဖက်စစ်တပ်ကသပိတ်ခံတပ်ကိုမနက် ၅နာရီတွင်အလစ်အငိုက်ဝင်ရောက်တိုက်ခိုက်ခဲ့ပြီးအနည်းဆုံးပြည်သူ ၅ဦးသေဆုံးခဲ့သည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

ရန်ကုန်မြို့မှာ စည်ကားကြောင်းပြသဖို့ စစ်ကောင်စီက စျေးပွဲတော်တွေ အဆက်မပြတ်စီစဉ်နေပြီး လူငယ်တွေကို စောင့်ကြည့်ဖို့ ညွှန်ကြားချက်ထုတ်ထားကြောင်း လူထုနွေဦးက စုံစမ်းသိရပါတယ်။

Facebook