ကရင်နီ(ကယား)ပြည်နယ် လွိုင်ကော်မြို့နယ်၌ ယနေ့ ဖြစ်ပွားသည့်တိုက်ပွဲတွင် စစ်ကောင်စီတပ်ဖွဲ့ဝင် နှစ်ဦးကို စနိုက်ပါဖြင့် ပစ်ခတ်သုတ်သင်နိုင်ခဲ့ကြောင်း အလယ်ပိုင်းတိုင်း အထူးစစ်ဆင်ရေးအဖွဲ့က သတင်းထုတ်ပြန် သည်။
ဧပြီ ၈ရက် နံနက်ပိုင်းတွင် လွိုင်ကော်မြို့နယ် ငွေတောင်ရွာသစ်တိုက်ပွဲ၌ အလယ်ပိုင်းတိုင်း အထူးစစ်ဆင်ရေးစနိုက်ပါအဖွဲ့မှ ရဲဘော်များက စစ်ကောင်စီတပ်ဖွဲ့ဝင် နှစ်ဦးအားပစ်ခတ်နိုင်ခဲ့သည်ဟု ဖော်ပြထားသည်။
အဆိုပါ အလယ်ပိုင်းတိုင်း အထူးစစ်ဆင်ရေး စနိုက်ပါ အဖွဲ့ အနေဖြင့် ဧပြီ၆ရက်နှင့် ၇ရက်တိုက်ပွဲများတွင်လည်း စစ်ကောင်စီတပ်များကို ပစ်ခတ်ခဲ့သည်ဟုဆိုသည်။
ဧပြီ ၇ရက်က ရန်သူ စစ်ကောင်စီတပ်၏ စနိုက်ပါသမားအား ပတ်ခတ်သုတ်သင်နိုင်ခဲ့ကြောင်း ဖော်ပြထားသော် လည်း မည်သည့်နေရာဒေသ၌ ဖြစ်ပွားသည့် တိုက်ပွဲဖြစ်သည်ကိုမူ ဖော်ပြမထားပေ။
Public Service Announcement
အလားတူ ဧပြီ ၆ရက်၌ဖြစ်ပွားသည့် ထိတွေ့တိုက်ပွဲတွင်လည်း စစ်ကောင်စီတပ်ဖွဲ့ဝင် တစ်ဦးအား ပစ်ခတ်သုတ် သင်ခဲ့ကြောင်း အလယ်ပိုင်းတိုင်းအထူးစစ်ဆင်ရေးအဖွဲ့က ထုတ်ပြန်ထားသည်။
