စစ်ကောင်စီတပ် ဗိုလ်မှူးတစ်ဦး လိုက်ပါလာသည့် ယာဥ်ကို အနီးကပ်ပစ်ခတ်တိုက်ခိုက်ရာ သေဆုံးသူနှစ်ဦးရှိနိုင်ကြောင်း PDF တောင်သာမှ တာဝန်ရှိသူက People’s Springသို့ ပြောသည်။
ယနေ့(ဧပြီ ၁၀ ရက်) နံနက် ၃နာရီ ၄၈မိနစ်တွင် NPT 1L/3637 Doublecup ယာဥ်ကို တောင်သာမြို့နယ်၏ ရုံစည်တိုက်နယ် သံဖိုဇရပ်အနီးတွင် ရိုင်ဖယ်စုံ သုံးလက်ဖြင့် အချက်လေးဆယ်ခန့် ပစ်ခတ်နိုင်ခဲ့သည်ဟု ၎င်းက ဆိုသည်။
“ရှောင်တခင် သတင်းဝင်လာတာ။အဲဒီအချိန်ကျွန်တော်တို့ မိုင်းဆင်ဖို့အချိန်မရှိတော့ဘူး။စောင့်ပစ်ဖို့ ဆုံးဖြတ်လိုက်တာ။အနီးကပ်ရောက်မှ အတည်ပြုပြီး ပစ်တာ။နှစ်ဦးလောက်သေနိုင်တယ်။စခ ဗိုလ်မှူး သေ၊မသေတော့မသိရသေးဘူး။တပ်အပ်ကတော့ သုံးယောက် အနည်းဆုံးထိ ခိုက်နိုင်တယ်”ဟု အထက်ပါတာဝန်ရှိသူက တိုက်ခိုက်မှုဖြစ်စဥ်ကို ရှင်းပြသည်။
တိုက်ခိုက်မှု ပြုလုပ်ခဲ့သည့် PDF တောင်သာ ရဲဘော်သုံးဦးစလုံး အောင်မြင်စွာဆုတ်ခွာနိုင်ခဲ့ကြောင်းလည်း သိရသည်။
Public Service Announcement
ထို့အပြင် တောင်သာမြို့နယ်မှ စစ်ကောင်စီ ထောက်တိုင်အဖြစ်ရပ်တည်နေသော ကမ္ဘာလုံး တောင် ဆီဆိုင်အား ယနေ့ နံနက်ပိုင်းက သတိပေး ဗုံးတစ်လုံးပစ်သွင်းခဲ့ပြီး သတိပေးခဲ့ကြောင်းလည်း PDF တောင်သာက ထုတ်ပြန်ထားသည်။
