●စစ်ကောင်စီက ရွာအချို့ကို စစ်ကြောင်းထိုးမည့်အနေအထားဖြင့် အင်အားတိုးနေဟုဆို
ရွာငံတိုက်ပွဲတွင်အာဏာသိမ်းစစ်ကောင်စီဘက်မှ ဗိုလ်မှူးတစ်ဦးအပါအဝင် လေးဦးသေဆုံးခဲ့သည်ဟုပြည်သူ့ကာကွယ်ရေးတပ်ဖွဲ့က အတည်ပြုချက်ထုတ်ပြန်သည်။
ဓနုကိုယ်ပိုင်အုပ်ချုပ်ခွင့်ရဒေသ ရွာငံမြို့နယ်တွင်ယမန်နေ့(ဧပြီ ၉ ရက်)ညနေလေးနာရီခန့်က တိုက်ပွဲအတွင်း စစ်ကောင်စီဘက်ကလေးဦးသေဆုံးခဲ့ခြင်းဖြစ်သည်။ ကနဦးသတင်းကို ပြည်သူ့ကာကွယ်ရေးအဖွဲ့က ဧပြီ ၉ရက်ညက ထုတ်ပြန်ခဲ့ပြီး နောက်ဆက်တွဲကိုထပ်မံထုတ်ပြန်ခြင်းဖြစ်သည်။
“စစ်ခွေးတွေ ဘယ်လောက်သေလဲဆိုတာ ကျွန်တော်တို့ထပ်စုံစမ်းကြည့်တာ။ သေတဲ့လေးယောက်ထဲမှာဗိုလ်မှုးတစ်ယောက်ပါတယ်။ အခု ရွာတွေကို အင်အားအလုံးအရင်းနဲ့ တိုးနေလို့ အရပ်သားတွေအတွက် စိုးရိမ်နေရတယ်”ဟု ရွာငံမြို့ပြပြောက်ကျားတပ်ဖွဲ့ (YUG) မှရဲဘော်တစ်ဦးက ယနေ့(ဧပြီ ၁၀ရက်) အသိပေးသည်။
Public Service Announcement
ရွာငံမြို့နယ်မှ ပျူစောထီးခေါင်းဆောင်ဝင်းမြင့်ဦးဆောင်သောပျူစောထီးအဖွဲ့ကို သုတ်သင်ရှင်းလင်းရန်စောင့်ဆိုင်းနေစဉ် တောင်ကြီး-ရွာငံ-မန္တလေး ပြေးဆွဲသော ရွှေဓနုကားဖြင့် ရောက်ရှိလာသော စစ်ကောင်စီတပ်ဖွဲ့ဝင်များကို တိုက်ခိုက်ခဲ့ခြင်းဟု ပြည်သူ့ကာကွယ် ရေးမဟာမိတ်အဖွဲ့က သတင်းထုတ်ပြန်သည်။
အဆိုပါတိုက်ပွဲတွင်ရွာငံမြို့ပြပြောက်ကျားတပ်ဖွဲ့ (YUG)၊တောင်ကြီးမြို့ပြည်သူ့ကာကွယ်ရေးတပ်ဖွဲ့ (TPDF)နှင့် ရှမ်းအမျိုးသားကာကွယ်ရေးတပ်ဖွဲ့(SNDF) တို့ပူးပေါင်တိုက်ခိုက်ခဲ့ခြင်းဖြစ်သည်။
ဓနုကိုယ်ပိုင်အုပ်ချုပ်ခွင့်ရဒေသတွင် စစ်ကောင်စီအထိနာဆုံးသော တိုက်ပွဲလည်းဖြစ်သည်ဟုဒေသခံများကမှတ်ချက်ပြုသည်။
ထိုအပြင် ဧပြီ ၄ရက်ကလည်း ပင်းတယမြို့ အရှေ့ဘက်အထွက် ရွာငယ်တံတားဂိတ်အနီးမှ အကြမ်းဖက်စစ်ကောင်စီတပ်ကိုကလောမြို့နယ်အခြေစိုက်ပြောက်ကျား တပ်ဖွဲ့Underground Revolution – UGRအဖွဲ့က သွာရောက်တိုက်ခိုက်ရာ စစ်ကောင်စီဘက်ကနှစ်ဦးသေဆုံးပြီး UGR ရဲဘော်နှစ်ဦးလည်း ကျဆုံးခဲ့သည်။ကျဆုံး ရဲဘော်နှစ်ဦးအတွက် သွေးကြွေး ပြန်လည်ရယူမည်ဟု ပြည်သူကာကွယ်ရေးအဖွဲ့များက သစ္စာပြုပြီးနောက် ဗိုလ်မှုးတစ်ဦးအပါအဝင် လေးဦးသေဆုံးသည်အထိ တိုက်ခိုက်ခဲ့ကြခြင်းဖြစ်သည်။
ယခုအခါ အကြမ်းစစ်ကောင်တပ်များသည်၁လွှစင်ရွာနှင့် တောင်ပို့ကွဲနှင့် တဲ့လူရွာများတွင် အင်းအားတိုးချနေ၍ အရပ်သားများအားပစ်မှတ်ထား တိုက်ခိုက်လာမည်ကို စိုးရိမ်နေရသည်ဟု ရွာငံမြို့ခံတစ်ဦးကပြောသည်။
