Connect with us

Hi, what are you looking for?

News

စစ်ကောင်စီခေါင်းဆောင်နဲ့သွားရောက်တွေ့ဆုံတဲ့ သံအမတ်ကြီး ၃ ဦး ပြစ်တင်ဝေဖန်ခံနေရ

မြန်မာနိုင်ငံဆိုင်ရာ သြစတြေးလျ ၊ အိန္ဒိယနဲ့ ဆော်ဒီ သံအမတ်ကြီးတွေဟာ စစ်ကောင်စီခေါင်းဆောင်နဲ့ နေပြည်တော်မှာ သီးခြားစီ သွားရောက်တွေ့ဆုံထားပါတယ်။

မြန်မာပြည်သူတွေကို သတ်ဖြတ်နေတဲ့ စစ်ကောင်စီခေါင်းဆောင်နဲ့သွားရောက်တွေ့ဆုံခဲ့တဲ့ သံအမတ်တွေဟာ အရှက်ရသင့်တယ်လို့ ကုလသမဂ္ဂအရာရှိဟောင်းကြီးတွေနဲ့ဖွဲ့စည်းထားတဲ့ မြန်မာနိုင်ငံဆိုင်ရာအထူးအကြံပေးကောင်စီ (SAC- M)က ရှုတ်ချလိုက်ပါတယ်။

ဒီလိုသွားရောက်တွေ့ဆုံတဲ့အချိန်ဟာလည်း စစ်ကောင်စီတပ်ဖွဲ့ဝင်တွေ အရပ်သားပြည်သူတွေကို သတ်ဖြတ်နေချိန် ၊ ကျေးရွာတွေကို မီးလောင်တိုက်သွင်းနေချိန်နဲ့ကလေးသူငယ်တွေကိုပြန်ပေးဆွဲနေတဲ့အချိန်လည်းဖြစ်တယ်လို့ SAC- M ကထောက်ပြပါတယ်။

မြန်မာနိုင်ငံဆိုင်ရာ သြစတြေးလျ ၊ အိန္ဒိယနဲ့ ဆော်ဒီ သံအမတ်ကြီးတွေဟာ စစ်ကောင်စီခေါင်းဆောင်နဲ့ နေပြည်တော်မှာ သီးခြားစီ သွားရောက်တွေ့ဆုံထားပါတယ်။

သြစတြေးလျသံအမတ်အမျိုးသမီးဟာ မြန်မာနိုင်ငံမှာတာဝန်ပြီးဆုံးလို့ပြန်လည်ထွက်ခွာခါနီး နေပြည်တော်ကိုသွားရောက်ကာစစ်ခေါင်းဆောင်ကိုတွေ့ဆုံခဲ့တာပါ။

Public Service Announcement

Public Service Announcement

အိန္ဒိယနဲ့ ဆော်ဒီအာရေးဗီးယား သံအမတ်တွေကတော့ မြန်မာနိုင်ငံမှာ သံအမတ် တာဝန် စတင်ထမ်းဆောင်ဖို့အတွက် သံအမတ်ခန့်အပ်လွှာကို စစ်ခေါင်းဆောင်လက်ထဲကိုယ်တိုင်သွားရောက်ပေးအပ်ခဲ့ကြတာဖြစ်ပါတယ်။

ဒီလိုသွားရောက်တွေ့ဆုံတဲ့လုပ်ရပ်တွေဟာ စစ်ကောင်စီခေါင်းဆောင်က နိုင်ငံတကာတရားဝင်မှု ကြိုးပမ်းနေချိန်မှာ ဝါဒဖြန့်ချီရေးအတွက် အသုံးချခံရမှာဖြစ်တယ်လို့ လည်း SAC- M က ဝေဖန်ထားပါတယ်။

ဒါအပြင် အိန္ဒိယ ၊သြစတြေးလျနဲ့ ဆော်ဒီအာရေးဗီးယား နိုင်ငံတွေဟာ မင်းအောင်လှိုင်နဲ့ အခြားစစ်အုပ်စုခေါင်းဆောင်တွေအပေါ်ဗြိတိန် ၊ အမေရိကန် ၊အီးယူနဲ့ ကနေဒါတို့လို စီးပွားရေးအရ ဒဏ်ခတ်အရေးယူမှုတွေ လုပ်ဖို့ တွန့်ဆုတ်နေကြတယ်လို့လည်း ထောက်ပြထားပါတယ်။

မင်းအောင်လှိုင်နဲ့သွားရောက်တွေ့ဆုံတဲ့ မြန်မာနိုင်ငံဆိုင်ရာ သြစတြေးလျသံအမတ်ကြီးရဲ့ လုပ်ရပ်ဟာ စစ်ကောင်စီကို တရားဝင်အသိအမှတ်ပြုရာရောက်တယ်လို့ အမေရိကန်အခြေစိုက် လူ့အခွင့်အရေးစောင့်ကြည့်အဖွဲ့ကြီး (HRW) က ပြစ်တင်ဝေဖန်ထားပါသေးတယ်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

ရန်ကုန်မြို့မှာ စည်ကားကြောင်းပြသဖို့ စစ်ကောင်စီက စျေးပွဲတော်တွေ အဆက်မပြတ်စီစဉ်နေပြီး လူငယ်တွေကို စောင့်ကြည့်ဖို့ ညွှန်ကြားချက်ထုတ်ထားကြောင်း လူထုနွေဦးက စုံစမ်းသိရပါတယ်။

Facebook