ရွှေဘိုမြို့နယ်တွင် ပျူ​စောထီးအဖွဲ့ကို ​ဒေသကာကွယ်​ရေးတပ်များ စီးနင်းတိုက်ခိုက်ရာ စစ်​ကောင်စီဗိုလ်တစ်ဦးနှင့် ပျူနှစ်ဦး​သေ

▪️လက်နက်သုံးလက် သိမ်းဆည်းရရှိ၊ ပျူ​ခေါင်း​ဆောင်​ဌေး​အောင် လွတ်​မြောက်သွား​သော်လည်း ရှာ​ဖွေရှင်းလင်းမည်ဟုဆို

စစ်ကိုင်းတိုင်း ရွှေဘိုမြို့နယ် မြင်းစီး​ကျေးရွာရှိ ပျူစောထီးအဖွဲ့ကို ​ဒေသကာကွယ်​ရေးတပ်ဖွဲ့များက ဝင်ရောက်စီးနင်းရာ စစ်ကောင်စီဗိုလ်တစ်ဦးနှင့် ပျူစောထီးနှစ်ဦးသေဆုံးပြီး လက်နက်သုံးလက်ရရှိကြောင်း ShweBo Fighter One က ထုတ်ပြန်သည်။

ယနေ့(ဧပြီ ၁၄ ရက်)နံနက် ၆နာရီခန့်က Shwe Bo Fighter One၊One Day Revolutiong Forge၊ Fighter Dargon နှင့် Lwgrs Hero Army Khin U အဖွဲ့မှ ဝင်ရောက်စီးနင်းတိုက်ခိုက်ခဲ့သည်ဟု ဆိုသည်။

မြင်းစီးရွာမှ ပျူစောထီးခေါင်းဆောင် ဌေးအောင်ကိုလိုက်လံရှာဖွေခဲ့သော်လည်း ၎င်းတို့မဟာ မိတ်ပျူရွာဖြစ်သော တည်သီးတော​​​ကျေးရွာသို့ ထွက်ပြေးသွားသဖြင့် ဌေးအောင်အား လက်လွတ်လိုက်ရသည်ဟု အသိပေးသည်။

Public Service Announcement

” မိနစ် ၂၀ ဝန်းကျင်လောက်ကြာတယ်။အပြန်အ လှန်ပစ်တာ။ကျွန်တော်တို့ဘက်က အထိအခိုက်မရှိ ပြန်ဆုတ်လာနိုင်ခဲ့တယ်”ဟု Shwe Bo Fighter One အဖွဲ့တာဝန်ရှိသူက ပြောသည်။

သို့သော် အကြမ်းဖက်စစ်ကောင်စီခန့် ပျူစောထီးခေါင်းဆောင်ဌေးအောင်အား လိုက်လံရှင်းလင်း သုတ်သင်သွားမည်ဖြစ်ကြောင်း ShweBo Fighter One အဖွဲ့နှင့် မဟာမိတ် ညီနောင်များမှ ကတိပြု သည်။

ပျူစောထီးခေါင်ဆောင်ဌေးအောင်သည် ဒေသတွင်းနီစပ်ရာကျေးရွာများရှိ နေအိမ်များကို ဝင်ရောက်စီးနင်းခြင်း၊လူသတ်ခြင်း၊နေအိမ်မီးရှို့ခြင်းနှင့် ဖမ်းဆီးငွေညှစ်မှုများစွာပြုလုပ်ထားသူ အဖြစ် တော်လှန်ရေးအင်အားစုများက သတ်မှတ်ထားသည်။