●တမူး -အောင်ဇေယျကားလမ်းပိုင်းဖြတ်သန်းခွင့်ကန့်သတ်ထားဆဲဖြစ်ကြောင်းအသိပေး
တမူးမြို့ပေါ် ရှိကျောင်းတစ်ကျောင်းတွင် တပ်စွဲထားသည့်အကြမ်းဖက် စစ်ကောင်စီတပ်ကိုတမူးPDF၏ အထူးကွန်မန်ဒိုပူးပေါင်းတပ်ဖွဲ့ဝင်များက အလစ်အငိုက်တိုက်ခိုက်ရာ စစ်ကောင်စီတပ်ဖွဲ့ဝင် လေးဦးသေဆုံးခဲ့သည်။
တမူးမြို့၊ မြို့မ (၁၂/က)ရပ်ကွက်၊ နန်းဖာလုံ(ထခွဲ)ကျောင်း၌ တပ်စွဲထားသည့် အကြမ်းဖက်စစ်ကောင်စီတပ်ဖွဲ့အား တမူးPDF- ပြည်သူ့ကာကွယ်ရေးတပ်ဖွဲ့(တမူးမြို့) တပ်ရင်း (၁) နှင့် တပ်ရင်း ( ၂) ၏ အထူးကွန်မန်ဒိုပူးပေါင်း တပ်ဖွဲ့ဝင်များက ဧပြီ ၁၇ရက် ည ၇နာရီတွင် အလစ်ငိုက် ဝင်ရောက်တိုက်ခိုက်ခဲ့ခြင်းဖြစ်သည်။
“အကြမ်းဖက်စစ်ကောင်စီဖက်မှ တပ်ကြပ်အဆင့်ရှိ စစ်ခွေးတစ်ကောင် အပါအဝင် စုစုပေါင်း စစ်ခွေး (၄)ကောင်မှာ ကျောင်းရှေ့ လမ်းမှပေါ်တွင် အတုံးအရုံးဖြင့် မြေဩဇာဖြစ်သွားကြပါသည်။ မိမိတို့ ပြည်သူ့ကာကွယ်ရေးတပ်ဖွဲ့ဝင်များမှာ တစ်စုံတစ်ရာ ထိခိုက်မှုမရှိဘဲ အောင်မြင်စွာ ပြန်လည် ဆုတ်ခွာနိုင်ခဲ့သည်” ဟု တမူးPDF တပ်ရင်း(၁)က ထုတ်ပြန်သည်။
Public Service Announcement
စစ်တပ်နှင့် မအပ်စပ်သည့် ကျောင်းဝန်းအတွင်း တပ်စွဲထားသည့် စစ်ကောင်စီကို မြန်မာနှစ်ဆန်း(၁)ရက်နေ့တွင် ပညာပေးခဲ့ခြင်းဖြစ်သည်ဟု တမူးPDFတပ်ဖွဲ့ဝင်တစ်ဦးကလည်းပြောသည်။
ထိုအပြင် တမူးမြို့ တွင်စစ်ကောင်စီဗိုလ်ကြီးတစ်ဦးပိုင်ဆိုင်သော ဆိုင်ကယ်ကိုလည်းယမန်နေ့ကပင် တမူး CDM ရဲတပ်ဖွဲ့ကသိမ်းဆည်းခဲ့သည်။တမူးမြို့ ခမရ(၂၆၆) မှ ဗိုလ်ကြီးဝဏ္ဏဖြိုး၏ Apache အမျိုးအစား ဆိုင်ကယ်ကိုအရပ်သားနှစ်ဦးစီးလာသည့်အချိန်တွင် FIGHTER POLICE CDM(TAMU)က စစ်ဆေးမေးမြန်းပြီး သိမ်းဆည်းခဲ့သည်။
ဧပြီ ၁၃ရက်(သကြ်န်အကြိုနေ့)ကလည်း တမူးမြို့ မြေနီကုန်းကျောင်းဝင်းအတွင်း တပ်စွဲထားသည့်စစ်ကောင်စီနှင့်ပျုစောထီးများကို တမူးPDFအပါအဝင် ပြည်သူ့ကာကွယ်ရေးအဖွဲ့များနှင့်ABSDF ပူးပေါင်းပြီးတိုက်ခိုက်ခဲ့သေးသည်။
လတ်တလော ဒေသတွင်းစစ်ရေးအခြေအနေအရ တမူး – အောင်ဇေယျကားလမ်းပိုင်းကို ဖြတ်သန်းခွင့် ကန့်သတ်ထားဆဲဖြစ်ကြောင်း တမူးPDFကထပ်မံ သတိပေး ထားသည်။
ကားများအားလုံး မှန်ချမောင်းနှင်ရန်၊ကုန်တင်ကားများ မိုးကာမအုပ်ကြရန်၊ ည ၇နာရီမှ နံနက် ၆နာရီအတွင်းဖြတ်သန်းခြင်းမပြုရန်၊ စစ်ကောင်စီထုတ်ကုန်များ မတင်ဆောင်ရန်၊ ကျွန်းသစ်အပါအဝင်သစ်တောထွက်သစ်မျိုးစုံနှင့် ကျွဲ၊နွား၊မူးယစ်ဆေးများမသယ်ရန် သတိပေး ထားသည်။
