တမူးမြို့ တမူး-အောင်ဇေယျလမ်းပိုင်းတွင်အကြမ်းဖက်စစ်ကောင်စီတပ်ယာဉ်တန်းကို ယနေ့ နှစ်ကြိမ်တိုက်ခိုက်ရာ စစ်ကောင်စီတပ်သား ၁၅ ဦးသေဆုံးခဲ့ကြောင်း PDF(တမူး) တပ်ရင်း-၁ က ထုတ်ပြန်သည်။
တပ်တွင်း ဖရဲသီးများ၏ သတင်းပေးပို့ချက်အရတမူး-အောင်ဇေယျကားလမ်းပိုင်း၌ စစ်ကောင်စီတပ်ချင်းတာဝန်အချိန်းအပြောင်းပြုလုပ်နေသည့် ယာဉ်တန်းကို ကြားဖြတ်ခြုံခိုတိုက်ခိုက်ခဲ့ခြင်းဖြစ်သည်ဟုဖော်ပြထားသည်။
နေလယ် ၂ နာရီ ၁၉ မိနစ်မှ နေလယ် ၂နာရီ မိနစ် ၄၀ အထိပထမအကြိမ်တိုက်ပွဲဖြစ်ပွားပြီး၊ ညနေ ၃နာရီ ၂၂ မိနစ်မှ ၃နာရီ ၅၄ မိနစ်အထိ့ ဒုတိယအကြိမ်တိုက်ပွဲဖြစ်ပွားခဲ့သည်
ဟု PDF(တမူး)ကထုတ်ပြန်သည်။
စစ်ကောင်စီတပ်နယ်မြေခံတပ်ရင်း ၂၂၆ အစား ခလရ တပ်ရင်း ၈၉ကို အစားထိုးပြောင်းလဲစဉ် ပစ်ခတ်တိုက်ခိုက်ခဲ့ခြင်းဖြစ်သည်ဟု PDF(တမူး)က တပ်ရင်း(၁)မှ တာဝန်ရှိသူကပြောသည်။
Public Service Announcement
“ခလ၇ ၈၉ က မနေ့က တမူးကိုရောက်တာ နယ်မြေလည်းမကျွမ်းဘူး။ သာမန်အချိန်မှာမလာရဲတဲ့လမ်းပိုင်းကိုလမ်းလျှောက်ပြီးတော့ရော ၊ ကားနဲ့ရော ချီတတ်လာတော့ ဒီလမ်းကြောင်းမှ စောင့်ပြီး တိုက်ခိုက်ခဲ့တာပါ”ဟု PDF(တမူး) တာဝန်ရှိသူကပြောသည်။
တိုက်ပွဲတွင် အကြမ်းဖက်စစ်ကောင်စီတပ်ဘက်မှ ၁၅ ဦးသေဆုံးပြီး ထိခိုက်ဒဏ်ရာရရှိသူအများရှိဖြင့် တမူးမြို့ထဲသို့ကား၊ဆိုင်ကယ်များဖြင့် ကစဉ့်ကလျားပြန်လည်ဆုတ်ခွာသွားသည် PDF(တမူး) တပ်ရင်း-၁ ထုတ်ပြန်ချက်တွင်ဖော်ပြထားသည်။
စစ်ကောင်စီတပ်ကို PDF(တမူး) တပ်ရင်း ၁ နှင့် တပ်ရင်း ၂ တို့က ပူးပေါင်းတိုက်ခိုက်ခဲ့ခြင်းဖြစ်သည်။ ထိုတိုက်ပွဲတွင် PDF(တမူး)က အထိအခိုက်မရှိဘဲ အောင်မြင်စွာပြန်လည်ဆုတ်ခွာနိုင်ခဲ့သည်ဟုလည်းသိ့ရသည်။
တမူး-အောင်ဇေယျလမ်းပိုင်းကို နယ်မြေရှင်းလင်းရေးဆက်လက်ဆောင်ရွက်မည်ဟုလည်း PDF(တမူး)ကအသိပေးထားသည်။
