Connect with us

Hi, what are you looking for?

News

ဓနုလူငယ်များကို စစ်ကောင်စီပေါ်တာစွဲနေ

ရှမ်းပြည်နယ်တောင်ပိုင်းဒေသတွင် ပြည်သူ့ခုခံစစ် အရှိန်မြင့်လာပြီးနောက် ဒေသတွင်း ဒီချုပ်ပါတီနှင့် ဆက်စပ်သူများ၊ စစ်အာဏာရှင်ဆန့်ကျင်ရေးလှုပ်ရှားသူများကို ဖမ်းဆီးဖိနှိပ်ရန် စစ်ကောင်စီကလုပ်ကိုင်နေသည်ဟုလည်း ပြည်သူ့ကာကွယ်ရေးအဖွဲ့များက သတိပေး ထားသည်။

●စစ်​ကောင်စီကပြည်သူ့စစ်ကဲ့သို့ ဓနုတပ်ဆို​သောအဖွဲ့ ဖွဲ့ပြီး ဓနုလူမျိုးချင်းပြန်တိုက်ခိုင်းရန်လုပ်​နေဟုဒေသခံများပြော

ပြည်သူ့ကာကွယ်ရေးအဖွဲ့ (PDF)များကို တိုက်ခိုက်ခိုင်းရန်အတွက် ရွာငံမြို့ ကျေးရွာအချို့မှ လူငယ်များကိုစစ်ကောင်စီက ပေါ်တာဆွဲနေပြီး လူမစုပေးပါက ရွာလုံးကျွတ်မီးရှို့မည်ဟုလည်း ခြိမ်းခြောက်နေသည်ဟုပြည်သူ့ကာကွယ်ရေးအဖွဲ့များက သတိပေး ထားသည်။

ရွာငံမြို့ နွားဘန်းကြီးကျေးရွာ၊ ပဲရင်းတောင်ရွာအပါအဝင် ကျေးရွာအချို့မှ တစ်ရွာလျှင် လူငယ်၁၄ဦး စု​ဆောင်းပေးရန် ရွာခံများကို စစ်ကောင်စီက ဖိအားပေးနေခြင်းဖြစ်သည်။

“တစ်ရွာလျင် လူငယ်(၁၄)ဦး ပေးရမည်ဟုပြောဆိုပြီး အသာတကြည်မပေးပါက ရွာကိုမီးရှို့ဖျက်ဆီးမည်ဟု ခြိမ်းခြောက်ကြောင်း သိရသည်” ဟု ပြည်သူ့ကာကွယ်ရေးအဖွဲ့များ၏ သတင်းထုတ်ပြန်ရေးလူမှုကွန်ရက်စာမျက်နှာ KalawTownship Media က ယနေ့(ဧပြီ ၂၅ရက်)နံနက်တွင် သတင်းထုတ်ပြန်ထားသည်။

Public Service Announcement

Public Service Announcement

အင်တောနှင့် လယ်ကိုင်းရွာတို့မှ အရပ်သား(၁၄)ဦးကိုလည်း စစ်ကောင်စီက ဧပြီ ၂၄ရက်တွင် ဖမ်းဆီးသွားသည်ဟု သိရသည်။ ပဲရင်းတောင်ရွာမှ ရွာခံ ၆ဦးကို PDF ဟု စွပ်စွဲကာ သတ်ဖြတ်လိုက်၍ ယခုဖမ်းဆီးခံရသူ ၁၄ဦးအတွက် ​ဒေသခံများက စိုးရိမ်နေကြသည်။

ဓနုကိုယ်ပိုင်အုပ်ချုပ်ခွင့်ရဒေသတွင်စစ်​ကောင်စီက ဓနုတပ်အမည်ဖြင့် ပြည်သူ့စစ်ကဲ့သို့ စစ်ကောင်စီဒေါက်တိုင်လက်နက်ကိုင်အဖွဲ့ဖွဲ့ရန် လုပ်ကိုင်နေပြီး ယင်းတပ်သည် ဓနုလူမျိုးများကို ကိုယ်စားမပြုကြောင်း ဒေသခံများကပြောကြားသည်။ဒေသစုံတွင် အထိနာပြီး အင်အားနည်းနေသည့် စစ်ကောင်စီက ဓနုတပ်ကိုဖွဲ့စည်းကာ ပြည်သူ့ကာကွယ်ရေးအဖွဲ့များကို ပြန်လည်တိုက်ခိုက်ခိုင်းမည်ဟု သတင်းများထွက်ပေါ်နေသည်။

Public Service Announcement

” ဓနု ဓနုချင်းသွေး ချောင်းစီးအောင် စစ်ကောင်စီက စလုပ်နေပြီ”ဟု ရွာငံဒေသခံတစ်ဦးကပြောသည်။

Danu National Force အမည်​ဖြင့် လူမှုကွန်ရက်စာမျက်နှာတစ်ခုလည်း ယနေ့နံနက်ပေါ်ထွက်လာပြီး ရွာငံနှင့်ပင်းတယဒေသမှ PDFများနှင့် ထောက်ပံ့နေသူများကို ရှင်းလင်းသွားမည်ဟု ခြိမ်းခြောက်ထားသည်ကို တွေ့ရသည်။

ထို​ဖေစ်ဘွခ်စာမျက်နှာတွင်​ရေးသားထားချက်များကို​လေ့လာကြည့်ပါက ထို​​ဖေစ်ဘွခ်စာမျက်နှာကို စစ်​အုပ်စုကပင်ဖန်တီးထားခြင်းဖြစ်၍ ပြည်သူများ Report ထု​ပေးကြရန်လည်း ​ဒေသခံလူငယ်တစ်ဦးက ​မေတ္တာရပ်ခံသည်။

ရှမ်းပြည်နယ်တောင်ပိုင်းဒေသတွင် ပြည်သူ့ခုခံစစ် အရှိန်မြင့်လာပြီးနောက် ဒေသတွင်း ဒီချုပ်ပါတီနှင့် ဆက်စပ်သူများ၊ စစ်အာဏာရှင်ဆန့်ကျင်ရေးလှုပ်ရှားသူများကို ဖမ်းဆီးဖိနှိပ်ရန် စစ်ကောင်စီကလုပ်ကိုင်နေသည်ဟုလည်း ပြည်သူ့ကာကွယ်ရေးအဖွဲ့များက သတိပေး ထားသည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

ရန်ကုန်မြို့မှာ စည်ကားကြောင်းပြသဖို့ စစ်ကောင်စီက စျေးပွဲတော်တွေ အဆက်မပြတ်စီစဉ်နေပြီး လူငယ်တွေကို စောင့်ကြည့်ဖို့ ညွှန်ကြားချက်ထုတ်ထားကြောင်း လူထုနွေဦးက စုံစမ်းသိရပါတယ်။

Facebook