Connect with us

Hi, what are you looking for?

News

အာဆီယံဘုံဆုံးဖြတ်ချက် ၅ ရပ်ကို အမြန်ဆုံးအပြည့်အဝ အကောင်အထည်ဖော်ရန် ကန်-အာဆီယံခေါင်းဆောင်များ တိုက်တွန်း

ခေါင်းဆောင်များသည် ဒေသတွင်း တည်ငြိမ်အေးချမ်းရေး ကတိကဝတ်ကို ထပ်လောင်းအတည် ပြုခဲ့ပြီး အကြမ်းဖက်မှုများ ချက်ချင်းရပ်တန့်ရန်၊ နိုင်ငံခြားသားများအပါအဝင် နိုင်ငံရေးအကျဉ်း သားအားလုံးကို ပြန်လွှတ်ပေးရန် တို့ကို ဆက်လက်တောင်းဆိုသည်။

အာဆီယံဘုံဆုံးဖြတ်ချက် ၅ ရပ်ကို အမြန်ဆုံးအပြည့်အ၀အကောင်အထည်ဖော်ရန် အမေရိကန်နှင့် အာဆီယံခေါင်းဆောင်များကတိုက်တွန်းလိုက်သည်။

ဝါရှင်တန်၌ ပြုလုပ်ခဲ့သော အမေရိကန်-အာဆီယံထိပ်သီးဆွေးနွေးပွဲအပြီး ပူးတွဲကြေညာချက်၌ မြန်မာ့အကျပ်အတည်းအပေါ် ခေါင်းဆောင်များက နက်ရှိုင်းစွာ ဆက်လက်စိုးရိမ်ပူပန်ကြောင်း ဖော်ပြသည်။

ခေါင်းဆောင်များသည် ဒေသတွင်း တည်ငြိမ်အေးချမ်းရေး ကတိကဝတ်ကို ထပ်လောင်းအတည် ပြုခဲ့ပြီး အကြမ်းဖက်မှုများ ချက်ချင်းရပ်တန့်ရန်၊ နိုင်ငံခြားသားများအပါအဝင် နိုင်ငံရေးအကျဉ်း သားအားလုံးကို ပြန်လွှတ်ပေးရန် တို့ကို ဆက်လက်တောင်းဆိုသည်။

“အာဆီယံပဋိညာဉ်အတိုင်း လူ့အခွင့်အရေးနဲ့ အခြေခံလွတ်လပ်ခွင့် ကတိကဝတ်တွေကို ထင်ဟပ်တဲ့ မြန်မာနိုင်ငံမှာ ငြိမ်းချမ်းသောအဖြေရှာရေးဆီ ဦးတည်ပြီး ကျွန်ုပ်တို့ရဲ့ စုပေါင်းကြိုးပမ်းမှုတွေကို နှစ်ဆ တိုးမြှင့်လုပ်ဆောင်သွားမှာပါ” ဟု အမေရိကန်-အာဆီယံ ပူးတွဲကြေညာချက်၌ ဖော်ပြသည်။

Public Service Announcement

Public Service Announcement

ခေါင်းဆောင်များသည် မြန်မာနိုင်ငံတွင် အာဆီယံအထူးကိုယ်စားလှယ်အလုပ်လုပ်နိုင်ရေး၊ သက် ဆိုင်ရာ ပါတီအားလုံးအကြား အပြည့်အ၀တွေ့ဆုံကာ ယုံကြည်မှုတည်ဆောက်ရေး၊ ခွဲခြားမှုမရှိဘဲ လိုအပ်နေသူများထံ လူသားစာနာမှုအကူအညီများပေးရေး တို့အပါအဝင် မြန်မာပြည်သူများ၏ အကျိုးစီးပွားအတွက် ငြိမ်းချမ်းသောအဖြေရှာရန် အာဆီယံ ကြိုးပမ်းအားထုတ်မှုများကို ဆက်လက်ထောက်ခံအားပေးမည်ဟု ထုတ်ပြန်သည်။

ထို့အပြင် အာဆီယံအထူးကိုယ်စားလှယ်နှင့် ကုလသမဂ္ဂအထူးကိုယ်စားလှယ်တို့အကြား အရေး ကြီးသည့် ကြိုးပမ်းအားထုတ်မှုများတွင် နီးကပ်သောပူးပေါင်းဆောင်ရွက်မှုများကို ကြိုဆိုကြောင်း အမေရိကန်-အာဆီယံ ခေါင်းဆောင်များက ပူးတွဲထုတ်ပြန်သည်။

ဆက်စပ်သတင်းများ

နိုင်ငံတကာ

အီရန်နဲ့ ဖြစ်ပွားနေတဲ့ စစ်ပွဲဟာ အမှန်တကယ် အဆုံးသတ်သွားပြီးပြီလို့တောင် ယူဆနိုင်ကြောင်း အမေရိကန် သမ္မတ ဒေါ်နယ်လ်ထရမ့်က ပြောကြားလိုက်ပါတယ်။

နိုင်ငံတကာ

အမေရိကန် ကာကွယ်ရေး ဝန်ကြီး ပိထ်ဟက်ဂ်ဆက်သ်ဟာ အခုသီတင်းပတ်ထဲမှာ စွပ်စွဲပြစ်တင်ခံရဖို့ လွှတ်တော် မဲခွဲမှု တစ်ခုကို ကြုံတွေ့လာဖွယ် ရှိနေပါတယ်။

နိုင်ငံတကာ

ရွှေ့ပြောင်း အခြေချသူတွေကို အတင်းအကျပ် ဖမ်းဆီး နယ်နှင်ခဲ့တဲ့ သူရဲ့ လူဝင်မှု ကြီးကြပ်ရေး မူဝါဒဟာ အရမ်း ကြမ်းတမ်းနေတာမျိုး ဖြစ်ကောင်း ဖြစ်နိုင်ခဲ့ကြောင်း အမေရိကန် သမ္မတ ဒေါ်နယ်လ်ထရမ့်က ပြောကြားခဲ့ပါတယ်။

သတင်းဆောင်းပါး

ထရမ့်ရဲ့ နိုင်ငံရေး ပြိုင်ဘက်တွေကို စုံစမ်းဖို့ ရှေ့တန်းကနေ လှုပ်ရှားခဲ့ကြတဲ့ အမေရိကန် တရားရေးဌာန ထိပ်တန်း အရာရှိကြီး သုံးဦးဟာ ဒီမိုကရက်တွေ လွှတ်တော် ကြီးကြပ်ရေး အာဏာကို ပြန်လည် ရယူလာတဲ့ သက်တမ်းဝက် ရွေးကောက်ပွဲ အပြီး ရက်ပိုင်းအတွင်း တစ်ဦးပြီးတစ်ဦး ရာထူးကနေ ထွက်ခွာသွားကြပါပြီ။

Facebook