NUG နိုင်ငံခြားရေးဝန်ကြီးကိုအထက်လွှတ်တော် ဝါရင့်အမတ် ကွန်ဂရက်၌ လက်ခံတွေ့ဆုံ

အမေရိကန်အထက်လွှတ်တော်အမတ်၊ ရီပက်ဗလစ်ကန်ခေါင်းဆောင် မစ်ချ်မက်ကောနဲလ်သည် NUG နိုင်ငံခြားရေးဝန်ကြီးဒေါ်ဇင်မာအောင်ကိုကွန်ဂရက်၌အဂါ်နေ့(​မေ၁၇) တွင် လက်ခံတွေ့ဆုံသည်။

တွေ့ဆုံစဉ် အာဏာသိမ်းစစ်ကောင်စီ၏ဖိနှိပ်မှုအပေါ် မြန်မာ့ဒီမိုကရေစီအရေးရုန်းကန်ရမှု နှင့် အမေရိကန်နှင့် ကမ္ဘာတဝန်းရှိလွတ်လပ်သော မိတ်ဆွေနိုင်ငံများ၏ ဆက်လက်အားပေးထောက်ခံမှုအရေးပါခြင်းတို့ကို ဆွေးနွေးခဲ့ကြောင်း မစ်ချ်မက်ကောနဲလ်က ၎င်း၏တွစ်တာမှ အသိပေး ထုတ်ပြန်သည်။

ဝါရင့်အထက်လွှတ်တော်အမတ် မစ်ချ်မက်ကောနဲလ်သည် မြန်မာ့အရေးကို နှစ်ပေါင်း ၃၀ ကျော် စိတ်ဝင်တစားအားပေးထောက်ခံသူဖြစ်ပြီး မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နှင့်လည်း ပုဂ္ဂိုလ်ရေးရင်းနှီးသူဖြစ်သည်။

မြန်မာ့​နွေဦး​တော်လှန်​ရေးအတွက် စစ်​ဘေး​ရှောင်ပြည်သူများ၊CDM လှုပ်ရှားသူများ၊ ဒီမိုက​ရေစီ ပြန်လည်ရရှိ​ရေး ကြိုပမ်းလှုပ်ရှားမှု စသည်တို့အတွက် အ​မေရီကန်​ဒေါ်လာ သန်း၁၀၀ ​ကျော်အကူအညီ​ပေးနိုင်ရန် NDAA ဥပ​ဒေတွင်ဦး​ဆောင်ထည့်သွင်း​ပေးခဲ့သူလည်းဖြစ်သည်။

Public Service Announcement

ဝါရှင်တန်သို့ရောက်ရှိနေသော အမျိုးသားညီညွတ်ရေးအစိုးရ နိုင်ငံခြားရေးဝန်ကြီး ဒေါ်ဇင်မာအောင်သည် အမေရိကန်အစိုးရထိပ်တန်းတာဝန်ရှိသူများ၊ လွှတ်တော်အမတ်များနှင့် တွေ့ဆုံကာ မြန်မာ့အရေးကို ဆွေးနွေးခဲ့သည်။

အာဏာသိမ်းစစ်ကောင်စီကမူ အမေရိကန်အစိုးရတာဝန်ရှိသူများက NUG ကိုယ်စားလှယ်အဖွဲ့ကို လက်ခံတွေ့ဆုံခြင်းအပေါ် အပြင်းအထန် ကန့်ကွက်ထားသည်။