ချင်းပြည်နယ် မင်းတပ်မြို့ရှိ စစ်ကောင်စီဖွင့်လှစ်သည့် ကျောင်းများတွင်ကျောင်းအပ်နှံခြင်းမပြုဘဲ မင်းတပ်မြို့ပြည်သူ့အုပ်ချုပ်ရေးအဖွဲ့မှ ဦးစီးဖွင့်လှစ်သည့် ပြည့်သူ့စာသင်ကျောင်းများတွင်သာ အပ်နှံကြရန် မင်းတပ်မြို့နယ်၊ ပြည်သူ့အုပ်ချုပ်ရေးအဖွဲ့က ယနေ့ ထုတ်ပြန်ကြေညာလိုက်သည်။
လက်ရှိ မင်းတပ်မြို့တွင်းအခြေအနေရ စစ်ကောင်စီက ဖွင့်လှစ်မည့်ကျောင်းများသည် လုံခြုံရေးအန္တရာယ်များရှိနေသည်ဟုလည်း မင်းတက်မြို့ပြည်သူ့အုပ်ချုပ်ရေးအဖွဲ့ကအသိပေးသည်။
ထိုကြောင့် စစ်ကောင်စီက ဖွင့်လှစ်သည့်ကျောင်းများတွင် အပ်နှံခြင်းမပြုဘဲ သားသမီးများ၏ ပညာရေးနောက်မကျစေရန် မင်းတပ်မြို့နယ်ပြည်သူ့အုပ်ချုပ်ရေးအဖွဲ့၊ ပညာရေးဘုတ်အဖွဲ့က ဦးစီးဖွင့်လှစ်သည့်ကျောင်းများတွင်သာ အပ်နှံကြရန် “မိဘပြည်သူများသို့ပန်ကြားချက်” ခေါင်းစဥ်ဖြင့်ထုတ်ပြန်ထားခြင်းဖြစ်သည်။
အကြမ်းဖက်စစ်ကောင်စီက ဖွင့်လှစ်မည့်ကျောင်းများတွင် ပြန်လည်သင်ကြားမည့် Non-CDM ပညာရေးဝန်ထမ်းများနှင့် မြို့ပေါ်တွင်စစ်ကောင်စီပညာရေးလည်ပတ်ရန် ကူညီနေသူများကို ပြည်သူ့သစ္စာဖောက်များအဖြစ် သတ်မှတ်ပြီး အပြစ်ပေးအရေးယူမည်ဟု မင်းတပ်မြို့နယ်၊ ပြည်သူ့အုပ်ချုပ်ရေးအဖွဲ့က သတိပေးထားသည်။
Public Service Announcement
ထိုကြောင့် မင်းတပ်မြို့နယ်အတွင်း လည်ပတ်မည့် စာသင်ကျောင်းများသည် အကြမ်းဖက်စစ်ကောင်စီနှင့် ချိတ်ဆက်ခြင်းမပြုကြရန်ဟု မင်းတပ်မြို့နယ်၊ ပြည်သူ့အုပ်ချုပ်ရေးအဖွဲ့က ယနေ့ တိုက်တွန်းသည်။
