Connect with us

Hi, what are you looking for?

နိုင်ငံတကာ

စစ်မှုထမ်း အသက်အရွယ် ကန့်သတ် ဥပဒေကို ရုရှား လွှတ်တော် ပယ်ဖျက်

ရုရှားက ယူကရိန်းမှာ ကျူးကျော်စစ် စတင်ချိန် ကတည်းက စစ်သည် ၁၀၀၀ ကျော် အသေအပျောက် ရှိခဲ့ကြောင်း ကြေညာထားပါတယ်။ ယူကရိန်းဖက်ကတော့ ရုရှားဖက်က ထိခိုက်သေကြေမှုဟာ သောင်းဂဏန်းထိ များပြားလိမ့်မယ်လို့ တုံ့ပြန်ထားပါတယ်။

စစ်မှုထမ်းဖို့ အသက်အရွယ် ကန့်သတ်ထားတဲ့ ဥပဒေကို ရုရှား လွှတ်တော်ကို ပယ်ဖျက်လိုက်ကြောင်း သိရပါတယ်။

ဒါဟာ ယူကရိန်းနဲ့ ဖြစ်ပွားနေတဲ့ စစ်ပွဲအတွက် စစ်တပ်မှာ လူသစ်တွေ ပိုပြီး ကျယ်ကျယ်ပြန့်ပြန့် စုဆောင်းနိုင်ဖို့ ရည်ရွယ်ထားတဲ့ လုပ်ဆောင်မှု တစ်ခုလို့ ယူဆရပါတယ်။ တစ်ချိန်တည်းမှာပဲ စစ်ပွဲကြောင့် ရုရှား စစ်တပ်ရဲ့ စုဖွဲ့မှု အင်အားအပေါ် အထိနာစေတဲ့ သက်ရောက်မှုတွေ ရှိနေကြောင်း မြင်သာလာစေပါတယ်။

လက်ရှိ ရုရှားရဲ့ ဥပဒေတွေအရ အသက် ၁၈ နှစ်နဲ့ ၄၀ ကြား ရုရှား နိုင်ငံသားတွေရယ်၊ အသက် ၁၈ နှစ်နဲ့ ၃၀ ကြား နိုင်ငံခြားသားတွေရယ်ဟာ စစ်မှုထမ်း စာချုပ်တွေ ချုပ်ဆိုခွင့် ရှိကြပါတယ်။ အခုတော့ အထက်လွှတ်တော်၊ အောက်လွှတ်တော် နှစ်ရပ်စလုံးက စစ်မှုထမ်း အသက် ကန့်သတ်ချက်ကို ပယ်ဖျက်ဖို့ လိုအပ်ကြောင်း ထောက်ခံ အတည်ပြုပေးလိုက်ပါတယ်။

ရုရှားက ယူကရိန်းမှာ ကျူးကျော်စစ် စတင်ချိန် ကတည်းက စစ်သည် ၁၀၀၀ ကျော် အသေအပျောက် ရှိခဲ့ကြောင်း ကြေညာထားပါတယ်။ ယူကရိန်းဖက်ကတော့ ရုရှားဖက်က ထိခိုက်သေကြေမှုဟာ သောင်းဂဏန်းထိ များပြားလိမ့်မယ်လို့ တုံ့ပြန်ထားပါတယ်။

Public Service Announcement

Public Service Announcement

လက်နက်ကိုင် တပ်ဖွဲ့တွေကို အင်အား တိုးချဲ့ပြီး ကာကွယ်ရေး ဝန်ကြီးဌာနကို ကူညီပေးဖို့ လိုအပ်လာပြီ ဖြစ်တယ်လို့ သမ္မတ ဗလာဒီမာ ပူတင်ရဲ့ ရုပ်သေး တစ်ဦးအဖြစ် သတ်မှတ် ခံရသူ ရုရှား လွှတ်တော် ဥက္ကဋ္ဌ ဗီယက်ချက်စ်လက်ဗ် ဗိုလိုဒင်က ဒူးမား လွှတ်တော် အစည်းအဝေးမှာ ပြောကြားသွားပါတယ်။

ရုရှား အာဏာပိုင်တွေက သူတို့ဟာ တရားဝင် ခန့်အပ်ထားပြီး ကိုယ်တိုင် စိတ်ဆန္ဒအလျောက် အဆိုပြုတဲ့ စစ်သည်တွေကိုသာ ယူကရိန်း စစ်မြေပြင်ဆီ စေလွှတ်ကြောင်း ပြောပါတယ်။ ဒါပေမဲ့ စစ်ပွဲ အစပိုင်းမှာတော့ စစ်မှု မထမ်းမနေရ တာဝန်နဲ့ တပ်ထဲ ရောက်နေသူ တချို့ပါ ရောနှောပြီး စစ်မြေပြင်ကို ရောက်သွားခဲ့ကြောင်း ဝန်ခံထားပါတယ်။ ရုရှားမှာ ကျန်းမာ သန်စွမ်းတဲ့ အမျိုးသားတိုင်းဟာ အသက် ၁၈ နှစ်နဲ့ ၂၇ နှစ်အတွင်း မဖြစ်မနေ တစ်နှစ်ကြာ စစ်မှုထမ်းဖို့ ဥပဒေ သတ်မှတ်ထားပါတယ်။

ဆက်စပ်သတင်းများ

နိုင်ငံတကာ

အစိုးရရဲ့ ဖိအားပေးမှုတွေ မြင့်တက်လာတဲ့နောက် ရုရှားရဲ့ နောက်ဆုံးလက်ကျန် လွတ်လပ်တဲ့ သတင်းစာတိုက်ကို ပိတ်သိမ်းလိုက်ရပြီ ဖြစ်ပါတယ်။

နိုင်ငံတကာ

အာမေးနီးယား လွှတ်တော်ထဲမှာ အာဏာရနဲ့ အတိုက်အခံ ပါတီ အမတ်တွေကြား အကြီးအကျယ် ရန်ပွဲဖြစ်ပွားပြီး ထိုးကြ၊ ကြိတ်ကြ၊ ကုလားထိုင်တွေနဲ့ ပစ်ပေါက်ကြရင်း ဝရုန်းသုန်းကား အခြေအနေမျိုး ကြုံခဲ့ပါတယ်။

သတင်း

ထိုင်း​ရောက်မြန်မာလုပ်သားတွေအတွက် မည်သူမည်ဝါဖြစ်​ကြောင်းသက်​သေခံလက်မှတ် (CI) ထုတ်ပေးရာ စင်တာမှာအာဏာသိမ်း မြန်မာစစ်တပ်ကခန့်ကိုယ်စားလှယ် ဆိုသူက ခြိမ်းခြောက်တာ ခံခဲ့ရတဲ့အပေါ် ထိုင်းအလွတ်တမ်း သတင်းထောက်က သက်ဆိုင်ရာကို တိုင်ကြားထားလိုက်ပါတယ်။

နိုင်ငံတကာ

ရုရှား သမ္မတ ဗလာဒီမာ ပူတင်ကို လူသားချင်းစာနာ​ထောက်ထားသူ (humanitarian) တစ်ဦးလို့ ချီးကျူး ပြောဆိုခဲ့တဲ့ အမေရိကန် အစိုးရ ကိုယ်စားလှယ်ဟာ ဝေဖန်မှုတွေနဲ့ ရင်ဆိုင်နေရပါတယ်။

Facebook