Connect with us

Hi, what are you looking for?

သတင်း

ထန်တလန်မြို့တွင်းရှိ စစ်ကောင်စီတပ်စခန်းနှင့် ရဲစခန်းကို CDF(ထန်တလန်)နှင့် CNAတို့ ဝင်ရောက်တိုက်ခိုက်​

စစ်ကောင်စီတပ်သည် ထန်တလန်မြို့ကို ​မေလ ၂၃ ရက်အထိ မီးရှို့ခဲ့သည်မှာ ၂၈ ကြိမ်ရှိပြီး စုစုပေါင်း ​နေအိမ်​ပေါင်း ၁,၀၀၀ကျော် မီးရှို့ဖျက်ဆီးခဲ့ပြီးဖြစ်သည်။

(စစ်ကောင်စီတပ်က ထန်တလန်မြို့၊ အမှတ် (၁) ရပ်ကွက်ကို မီးရှို့ဖျက်ဆီးနေစဥ်၊ ဓာတ်ပုံ - Chinland Defense Force-Thantlang)

စစ်ကောင်စီတပ်သား ၆ ဦးသေဟုဆို

ချင်းပြည်နယ် ထန်တလန်မြို့တွင်းရှိ စစ်ကောင်စီတပ်စခန်းနှင့် ရဲစခန်းကို CDF(ထန်တလန်)နှင့် ချင်းအမျိုးသားတပ်(CNA)တို့ ဝင်ရောက်တိုက်ခိုက်ရာ စစ်ကောင်စီတပ်သား ၆ ဦးသေဆုံးခဲ့သည်ဟု CDF(ထန်တလန်)က ထုတ်ပြန်သည်။

ယမန့်နေ့ (မေ ၂၇ ရက်)က ထန်တလန်မြို့တွင်း၌ ညနေ ၅နာရီမှ ၉နာရီအထိ တိုက်ခိုက်ခဲ့ခြင်းဖြစ်ပြီး စစ်ကောင်စီဘက်က အများအပြားထိခိုက်ဒဏ်ရာရရှိခဲ့သည်ဟု CDF(ထန်တလန်)ကဆိုသည်။

အဆိုပါ တိုက်ပွဲအတွင်း CDF(ထန်တလန်)တပ်ဖွဲ့ဝင်များ အထိအခိုက်မရှိဘဲ ဆုတ်ခွာနိုင်သည်သည်။

Public Service Announcement

Public Service Announcement

“တိုက်ပွဲဖြစ်တိုင်း စစ်ကောင်စီတပ်တွေက အိမ်ကို မီးရှို့နေတာ၊ အခုလည်း သူတို့ အထိနာရင် အိမ်တွေကို မီးရှို့မှာ စိုးရိမ်နေကြတာ”ဟု စစ်ဘေးရှောင်နေသည့် ထန်တလန်မြို့ခံတစ်ဦးကပြောသည်။

Public Service Announcement

ထိုအတူ မေလ ၂၃ ရက် နံနက်ပိုင်းကလည်း စစ်ကောင်စီတပ်နှင့် ဒေသခံကာကွယ်ရေးတပ်တို့ကြား ထန်တလန်မြို့တွင်းတိုက်ပွဲဖြစ်ပွားရာတွင် စစ်ကောင်စီတပ်သား ၆ ဦးသေဆုံးပြီး ၈ ဦး ဒဏ်ရာရရှိခဲ့သည်။

ထိုနေ့တိုက်ပွဲအပြီးတွင် စစ်ကောင်စီတပ်က ထန်တလန်မြို့၊ အမှတ် (၁) ရပ်ကွက်ကို မီးရှို့ဖျက်ဆီးခဲ့သည်။

စစ်ကောင်စီတပ်သည် ထန်တလန်မြို့ကို ​မေလ ၂၃ ရက်အထိ မီးရှို့ခဲ့သည်မှာ ၂၈ ကြိမ်ရှိပြီး စုစုပေါင်း ​နေအိမ်​ပေါင်း ၁,၀၀၀ကျော် မီးရှို့ဖျက်ဆီးခဲ့ပြီးဖြစ်သည်။

ထန်တလန်မြို့ကို စစ်ကောင်စီတပ်က အကြမ်းဖက်မီးရှို့ခဲ့ခြင်းကြောင့် မြို့ခံပြည်သူ တစ်သောင်းကျော်သည် နီးစပ်ရာ ကျေးရွာများ၊ စစ်ဘေးရှောင်စခန်းများနှင့် အိန္ဒိယနိုင်ငံဘက်ခြမ်းကို တိမ်းရှောင်နေကြရသည်။

ဆက်စပ်သတင်းများ

သတင်း

စစ်အာဏာရှင်စနစ် အဆုံးသတ်ရေး၊ ငြိမ်းချမ်းရေးနဲ့ တည်ငြိမ်ရေး ပြန်လည်တည်ဆောက်ရေး၊ ဒီမိုကရေစီစနစ် ပြန်လည်ရရှိရေး၊ ဖက်ဒရယ်ဒီမိုကရေစီပြည်ထောင်စု တည်ဆောက်ရေးတို့အတွက် ဖက်ဒရယ်ဒီမိုကရေစီ ပြည်ထောင်စုပေါ်ထွန်းရေးဦးဆောင်ကောင်စီ(SCEF)မှာ အဓိက ဦးဆောင်အဖွဲ့အစည်းတစ်ရပ်အဖြစ် လက်တွဲကြိုးပမ်းလျက်ရှိကြောင်း ပြည်ထောင်စုလွှတ်တော်ကိုယ်စားပြုကော်မတီ(CRPH)က ထုတ်ပြန်ပါတယ်။

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

Facebook