Connect with us

Hi, what are you looking for?

သတင်း

ချောင်းဦးမြို့နယ်တွင်စစ်​ကောင်စီတပ်ကိုPDFကသုံးကြိမ်တိုက်ခိုက်အနည်းဆုံး နှစ်ဦး​သေ

ချောင်းဦးမြို့ ပြည်သူ့အားကစားကွင်းအနီးတွင်လမ်းကြောင်းမိုင်းရှင်းလင်းရန်လာသည့်စစ်ကြောင်းမှလေးဦးပါအဖွဲ့အား ချောင်းဦး PDF တပ်ခွဲ ၁ က မိုင်းခွဲတိုက်ခိုက်ခဲ့ရာ နှစ်ဦးသေဆုံးကြောင်း ချောင်းဦး PDF က ပြောသည်။

(စစ်ကိုင်းတိုင်းအတွင်းတစ်နေရာတွင် တွေ့ရသည့် အကြမ်းဖက်စစ်တပ်ယာဥ်များ။ ။ဓါတ်ပုံ-CJ)
(စစ်ကိုင်းတိုင်းအတွင်းတစ်နေရာတွင် တွေ့ရသည့် အကြမ်းဖက်စစ်တပ်ယာဥ်များ။ ။ဓါတ်ပုံ-CJ)

စစ်ကိုင်းတိုင်း၊ ချောင်းဦးမြို့နယ်တွင် မြို့တွင်းအပါအဝင် မုံရွာ-မန္တလေးလမ်းပေါ် နေရာသုံးနေရာ၌ စစ်ကောင်စီတပ်အားသုံကြိမ်တိုင်မိုင်းခွဲတိုက်ခိုက်ခဲ့ပြီးနှစ်ဦးထက်မနည်းသေဆုံးကြောင်းချောင်းဦး PDFက သတင်းထုတ်ပြန်သည်။

ဇွန်လ ၃ ရက်နေ့က ချောင်းဦးမြို့နယ် ပြည်သူ့ကာကွယ်ရေးတပ်ဖွဲ့၏ တပ်ခွဲ ၂ ခုက နေရာသုံးနေရာတွင် တိုက်ခိုက်ခဲ့ခြင်းဖြစ်သည်။

ချောင်းဦးမြို့ ပြည်သူ့အားကစားကွင်းအနီးတွင်လမ်းကြောင်းမိုင်းရှင်းလင်းရန်လာသည့်စစ်ကြောင်းမှလေးဦးပါအဖွဲ့အား ချောင်းဦး PDF တပ်ခွဲ ၁ က မိုင်းခွဲတိုက်ခိုက်ခဲ့ရာ နှစ်ဦးသေဆုံးကြောင်း ချောင်းဦး PDF က ပြောသည်။

ထို့အပြင် ငါးယှန်ရွာနှင့် နတ်ရေကန်ရွာအကြား မုံရွာဘက်မှ မန္တလေးဘက်သို့ ထွက်ခွာလာသောစစ်ကောင်စီတပ်ယာဥ်တန်းအား ချောင်းဦး PDF တပ်ခွဲ ၂ မှ ပဒေသာမိုင်းဖြင့်မိုင်းခွဲတိုက်ခိုက်ခဲ့ပြီး ထိခိုက်မှုအခြေအနေ မသိရသေးကြောင်း ချောင်းဦး PDF က ပြောသည်။

Public Service Announcement

Public Service Announcement

အလားတူ နတ်ရေကန်ရွာနှင့် ရေပိုးစားရွာကြားတွင်လည်း မန္တလေးဘက်မှ မုံရွာဘက်သို့ ထွက်ခွာလာသောစစ်ကောင်စီတပ်ယာဥ်တန်းအား ချောင်းဦး PDF တပ်ခွဲ ၂ မှ ပဒေသာမိုင်းခွဲ၍ တိုက်ခိုက်ခဲ့ပြီး ထိခိုက်မှုအခြေအနေ စုံစမ်းနေဆဲဖြစ်ကြောင်း ချောင်းဦး PDF က ပြောသည်။

အထက်ပါ တိုက်ခိုက်မှု သုံးခုနှင့်ပတ်သက်၍ ချောင်းဦး PDF အဖွဲ့ထံ ဆက်သွယ်မေးမြန်းထားပြီးပြန်လည်ဖြေကြားခြင်းမရှိသေးပါ။

ယမန်နေ့ နံနက်(၁၁)နာရီဝန်းကျင်ကလည်း မုံရွာ – မန္တလေးလမ်းမကြီးပေါ် ချောင်းဦးမြို့မှထွက်ခွာလာသည့်အကြမ်းဖက်စစ်ကောင်စီ၏ မိုးကာအနီကြားအုပ်ထားသည့် ကားငါးစီးတိုက်ခိုက်ခံခဲ့ရပြီး ထိခိုက်သေဆုံးမှုအချို့ ရှိခဲ့သည်ဟုသိရသည်။

ထိုအပြင်နေ့လယ်ပိုင်းကလည်း မုံ​ရွာ – မန္တလေး လမ်းမကြီး၊ မုံရွာ – ချောင်းဦးလမ်းပိုင်းတစ်နေရာတွင် အစီးငါးဆယ်ကျော်ပါသည့် အကြမ်းဖက်စစ်ကောင်စီယာဥ်တန်းအား မိုင်း ၂ လုံးဖြင့် ဖောက်ခွဲတိုက်ခိုက်ခဲ့ကြောင်း People’s Defence Force – South Monywa က ပြောသည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်(PDF)၊ စစ်ရုံးချုပ်ကွပ်ကဲမှုအောက်ရှိ အမှတ် (၉၇၁၁) တပ်ရင်းကို လက်နက်တပ်ဆင်ခြင်းအခမ်းအနား ကျင်းပခဲ့ကြောင်း ပြည်သူ့ကာကွယ်ရေးတပ်မတော် က သတင်းထုတ်ပြန်ပါတယ်။

သတင်း

ပြည့်သူ့ကာကွယ်​ရေးတပ်မ​တော်(PDF)၊အထူးတိုင်းစစ်ဌာန သုံ့ပန်းစခန်းမှာ ပေးအပ်တဲ့တာဝန်တွေကို ကျေပွန်အောင်ထမ်းဆောင်ခဲ့တဲ့ စစ်သုံ့ပန်း ၁၆ ဦးကို သူတို့ရဲ့ဆန္ဒအလျောက် ပြည်သူ့ကာကွယ်ရေးတပ်မတော်သားတွေအဖြစ် တာဝန်ထမ်း‌ ဆောင်ခွင့် ပြုလိုက်တယ်လို့အမျိုးသားညီညွတ်ရေးအစိုးရ (NUG)ကာကွယ်ရေးဝန်ကြီးဌာနက သတင်းထုတ်ပြန်ပါတယ်။

သတင်း

စစ်တပ်က အင်း​တော်မှာပြည်သူ ၁ဦးကိုသတ်ပြီး ၁ ဦးကိုဖမ်း​​ခေါ်သွား

Facebook