ရှမ်း – ကရင်နီ(ကယား)ပြည်နယ်အစပ် မိုးဗြဲမြို့တွင်းကို စစ်ကောင်စီတပ်မှ စစ်ကြောင်းထိုးဝင်ရောက်လာနေသည်ဟု ဒေသခံများက ပြောသည်။
ယနေ့(ဇွန် ၇ ရက်) နံနက် ၇နာရီခန့်မှစ၍ မိုးဗြဲမြို့တွင်းသို့ဝင်ရောက်လာသည့် စစ်ကောင်စီ တပ်သည် လက်နက်ကြီး ၊လက်နက်ငယ်များဖြင့် ပစ်ခတ်မှုများပါရှိနေသည်ဟု ဆိုသည်။
“မြို့ထဲကို တိုးလာတာ။အခု ညောင်ဝိုင်းရပ်ကွက်နားကို ရောက်နေတယ်။ပစ်တဲ့အသံတွေက လောလောဆယ် ဘာမှန်းမသိသေးဘူး”ဟု မိုးဗြဲမြို့နေ ပြည်သူတစ်ဦးက ပြောသည်။
သို့သော် လက်နက်ကြီး၊လက်နက်ငယ်များဖြင့်ပစ်ခတ်မှုသည် စစ်ကောင်စီတပ်၏ တစ်ဖက် သတ်ပစ်ခတ်မှုဟုလည်း Mobye Rescue Team တာဝန်ရှိသူက အသိပေးသည်။
Public Service Announcement
ထို့ကြောင့် ပြည်သူများအနေဖြင့်မလိုအပ်ပဲ နေအိမ်အပြင် မထွက်ရန်နှင့် လက်နက်ကြီးထိမှန်ဒဏ်ရာရရှိပါက Mobye Rescue Team ကိုဆက်သွယ်ရန်လည်း တိုက်တွန်းသည်။
အာဏာသိမ်းစစ်ကောင်စီတပ်သည် ဖယ်ခုံ၊ လွိုင်ကော် နှင့် ဒီးမော့ဆိုမြို့နယ်တို့တွင်လည်း စစ် ကြောင်းများထိုးနေကြောင်း ကရင်နီအမျိုးသားများကာကွယ်ရေးတပ်(KNDF)က ထုတ်ပြန်ထားသည်။
