Connect with us

Hi, what are you looking for?

သတင်း

ပြည်သူပိုင်နေအိမ်များ မီးရှို့၊လုယက်ပြီး စစ်ကြောင်းထိုးသတ်ဖြတ်နေသော စစ်ကောင်စီတပ်ကို ခုခံကာကွယ်ရန် ကွန်မန်ဒိုအထူးတပ်ဖွဲ့ဖွဲ့စည်း

စစ်ရေးအခြေအနေကြောင့် ဒေသခံပြည်သူများ အနေဖြင့် သတိရှိစွာသွားလာနေထိုင်ရန်နှင့် ဒေသကာကွယ်ရေးတပ်ဖွဲ့များ၏ သတိပေးချက်များကို လိုက်နာပေးရန်လည်း တိုက်တွန်းသည်။

(အထူးတိုက်ခိုက်ရေး ကွန်မန်ဒိုအဖွဲ့အား စတင်လေ့ကျင့်နေစဥ်)
(အထူးတိုက်ခိုက်ရေး ကွန်မန်ဒိုအဖွဲ့အား စတင်လေ့ကျင့်နေစဥ်)

ပြည်သူပိုင်နေအိမ်များ မီးရှို့၊လုယက်ပြီး စစ်ကြောင်းထိုးသတ်ဖြတ်နေသော အကြမ်းဖက်စစ်ကောင်စီတပ်ကို ခုခံကာကွယ်ရန် ကွန်မန်ဒိုအထူးတပ်ဖွဲ့တစ်ခု ဖွဲ့စည်းနေပြီဖြစ်ကြောင်း အ​နောက်ပိုင်းတိုင်းစစ်ဌာနချုပ်၊တပ်မဟာ (၇)၊တပ်ရင်း – ၇၀၃က ထုတ်ပြန်သည်။

ထို့အပြင် စစ်​ကောင်စီတပ်၏ စစ်စခန်း​များ၊ မြို့သိမ်း တိုက်ပွဲ​များနှင့် အထူးစစ်ဆင်​ရေး​များကို ကွန်မန်ဒိုအထူးတပ်ဖွဲ့က ဆောင်ရွက်သွားမည်ဟု ဆိုသည်။

ချင်း၊မကွေးနှင့် စစ်ကိုင်းတိုင်းရှိ ဧရာဝတီမြစ်အနောက်ဘက်ခြမ်းဒေသများကို ကိုယ်စားပြုထားသည့် အ​နောက် ပိုင်းတိုင်းစစ်ဌာနချုပ်အနေဖြင့် ကွန်မန်ဒိုအထူးတပ်ဖွဲ့ကို စတင်လေ့ကျင့်ပေးနေပြီဟု တပ်ရင်း – ၇၀၃ မှ တပ်ရင်း မှူးကိုစိုးမိုး အသိပေးသည်။

“ကျွန်တော်တို့ လူနည်းနည်း၊ အရည်အသွေးပြည့်မှီတဲ့ တကယ့် အထူးတပ်ဖွဲ့ ဖြစ်လာဖို့ကြိုး ပမ်းနေတယ်။အခုရဲဘော် ၃၀ကိုရွေးထားပြီး လေ့ကျင့်ရေးအစီအစဥ်တွေ စနေပြီ”ဟု ၎င်းက လူထုနွေဦးသို့ ပြောသည်။

Public Service Announcement

Public Service Announcement

သို့သော် လက်နက်ခဲယမ်းပြည့်စုံစွာ ထပ်မံတပ်ဆင်နိုင်ရန် ပြည်သူများ၏ အကူအညီများလိုအပ်နေဆဲဟု ၎င်းက ဆက်လက်ပြောသည်။

လက်ရှိ အနောက်ပိုင်းတိုင်စစ်ဒေသတွင် ဂန့်ဂေါခရိုင် တောင်ပိုင်းနှင့် မြောက်ပိုင်းတွင် စစ်ကောင်စီတပ်မှအင်အား ၃၀၀ ဝန်းကျင်ဖြင့် စစ်ကြောင်းထိုးလျက်ရှိပြီး ထိတွေ့တိုက်ပွဲများလည်း ဖြစ်ပွားနေသည်ဟု တပ်ရင်း ၇၀၃က ပြောသည်။

စစ်ရေးအခြေအနေကြောင့် ဒေသခံပြည်သူများ အနေဖြင့် သတိရှိစွာသွားလာနေထိုင်ရန်နှင့် ဒေသကာကွယ်ရေးတပ်ဖွဲ့များ၏ သတိပေးချက်များကို လိုက်နာပေးရန်လည်း တိုက်တွန်းသည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

စစ်ကိုင်းတိုင်းမှာ သံချပ်ကာတပ်ရဲ့ ဒုတိယစစ်ဆင်ရေးကွပ်ကဲရေးမှူး ဗိုလ်မှူးကြီး ဖမ်းဆီးခံရပြီးနောက် စစ်ကိုင်းမြို့နယ်အနောက်ခြမ်းက ကျေးရွာတွေကို အာဏာသိမ်းစစ်တပ်က ရက်သတ္တပတ်ကျော်ကြာ စစ်ကြောင်းထိုးနေလို့ ပြည်သူတွေ ထွက်ပြေးတိမ်းရှောင်နေရပါတယ်။

သတင်း

နေအိမ်၃၀ခန့် မီးလောင်ပျက်စီးပြီး စစ်​ကြောင်းထနောင်းပင်လဲရွာမှာတပ်စွဲ​နေ

သတင်း

ကချင်ပြည်နယ်၊ ဗန်းမော်မြို့နယ် ၃မိုင်ကျေးရွာရှိ ကချင်နှစ်ခြင်းခရစ်ယာန်အဖွဲ့ချုပ်(KBC) ဘုရားကျောင်းနဲ့ လူနေအိမ်များကို မီးရှို့ဖျက်ဆီးခဲ့တဲ့ အာဏာသိမ်းစစ်တပ်ရဲ့ လုပ်ရပ်ကို ပြင်းပြင်းထန်ထန် ကန့်ကွက်ရှုတ်ချကြောင်း ကချင်လူ့အခွင့်အရေးစောင့်ကြည့်အဖွဲ့(KHRW)က ဒီကနေ့ အောက်တိုဘာ ၁၅ရက်မှာ ထုတ်ပြန်ပါတယ်။