ကေအဲန်ယူ-သထုံမြို့နယ် တပ်မဟာ ၁ နယ်မြေအတွင်းရှိ ထုံးဘိုလေးကျေးရွာကို စစ်ကောင်စီတပ်က မီးတင်ရှို့တဲ့ဖြစ်ဉ်မှာ မသန်စွမ်းတစ်ဦးအပါအဝင် ရွာသားသုံးဦးသတ်ဖြတ်ခံရတယ်လို့ ကေအဲန်ယူဒူးသထူခရိုင်က သတင်းထုတ်ပြန်ထားပါတယ်။
ပြီးခဲ့တဲ့ ဇွန်လ ၂၅ ရက်က စစ်ကောင်စီတပ်ဟာ ကေအဲန်ယူ-သထုံမြို့နယ်အုပ်ချုပ်နယ်မြေအတွင်းရှိ ထုံးဘိုလေးကျေးရွာကို မီးတင်ရှို့ခဲ့ပြီး လူနေအိမ်(၆၁)လုံး မီးလောင်ပြာကျခဲ့ကာ ဘုန်းကြီးကျောင်းနဲ့ ကျေးရွာစာသင်ကျောင်းလည်း မီးရှို့ခံခဲ့ရတယ်လို့ ကေအဲန်ယူ-သထုံမြို့နယ်က အတည်ပြုခဲ့တာပါ။
ဒါ့အပြင် ရွာသားသုံးဦးရဲ့ အရိုးအစအနတွေကို မီးလောင်ထားတဲ့ လူနေအိမ်သုံးလုံးရဲ့ ပြာတွေထဲမှာတွေ့ရပြီး အရှင်လတ်လတ်မီးရှို့သတ်ခံရတာ ဒါမှမဟုတ် သတ်ပြီးမှ မီးရှို့ထားတာလည်းဖြစ်နိုင်တယ်လို့ ကေအဲန်ယူ-သထုံမြို့နယ် သတင်းနဲ့ပြန်ကြားရေးတာဝန်ခံက ပြောပါတယ်။
စစ်ကောင်စီတပ်ရဲ့ သတ်ဖြတ်ခံရတဲ့သူတွေဟာ အသက်(၃၉)နှစ်အရွယ်ရှိတဲ့ မသန်စွမ်းသူတစ်ဦးဖြစ်တဲ့ စောဆာမူး၊ အသက်(၅၅)နှစ်အရွယ်ရှိတဲ့ စောမောင်လူပျိုနဲ့ သက်တော်(၅၄)နှစ်ရှိ ဦးပဉ္ဇင်း တီးထို့ပဝီးတို့ဖြစ်တယ်လို့ ထုတ်ပြန်ချက်မှာဖော်ပြထားပါတယ်။
Public Service Announcement
ကေအဲန်ယူ-သထုံမြို့နယ်အုပ်ချုပ်နယ်မြေထဲကို နယ်မြေကျူးကျော်ကာ ထုံးဘိုလေးကျေးရွာကို မီးရှို့ဖျက်ဆီးတာ၊ ဒေသခံပြည်သူတွေကို သတ်ဖြတ်တာစတဲ့ လူ့အခွင့်အရေးချိုးဖောက်မှုတွေကို ကျူးလွန်ခဲ့တဲ့စစ်ကောင်စီတပ်ဟာ တပ်မ(၄၄)နဲ့ တပ်မ(၂၂)လက်အောက်ခံတပ်တွေအပြင် BGF နဲ့ အခြားသောက်တပ်ရင်းလက်အောက်ခံတွေပါဝင်တယ်လို့ ကေအဲန်ယူဒူးသထူခရိုင်ရဲ့ ထုတ်ပြန်ချက်အရ သိရပါတယ်။
