ရက္ခိုင့်တပ်တော်(AA)နှင့် ယမန်နေ့က တိုက်ပွဲဖြစ်ပွားခဲ့၍ ယနေ့တွင် စစ်ကောင်စီတပ်က ရခိုင်ပြည်နယ် မောင်တောမြို့နယ်အတွင်းနှင့် ဆက်စပ် ဒေသများ၌ လမ်းများပိတ်ထားကြောင်း ဒေသခံက ပြောသည်။
“ဒီနေ့တော့ တိုက်ပွဲဖြစ်သံမကြားဘူး။ မောင်တောကိုတော့ လမ်းတွေအကုန်လုံး ပိတ်လိုက်ပြီ။ စစ်တွေ – အငူမော်ကားလမ်းရယ် နောက်ပြီးတော့ စစ်တွေ – ဘူးသီးတောင် -မောင်တော ကားလမ်းရယ် လမ်းပမ်းဆက်သွယ်ရေးတွေ အကုန်လုံးပိတ်လိုက်ပြီ။”ဟု ၎င်းက ဆိုသည်။
AAနှင့် စစ်ကောင်စီတပ်တို့သည် ယမန်နေ့က ရသေ့တောင်မြို့နယ်နှင့် မောင်တောမြို့နယ်တို့၌ တိုက်ပွဲဖြစ်ခဲ့ပြီး စစ်ကောင်စီတပ်က သေဆုံးထိခိုက်ရှိခဲ့ပြီး အချို့ဖမ်းဆီးခံခဲ့ရသည်ဟု ဆိုသည်။
တိုက်ပွဲကြောင့် ယမန်နေ့ကတည်းက စစ်တွေ – မောင်တော သွားလာသည့်ကားများ ပိတ်မိနေခဲ့သည်ဟု ဆိုသည်။
Public Service Announcement
“စစ်ကောင်စီဘက်က ပိတ်တာပေါ့။ မောင်တောမှာဆိုရင် တောင်ပိုင်းရော မြောက်ပိုင်းရော။ တချို့ရွာသားတွေပြောတာက တစ်ရွာကနေ တစ်ရွာ တောင်သွားလို့မရဘူးလို့ ပြောတယဟု ဒေသခံက ပြောသည်။
AAနှင့် စစ်ကောင်စီတပ် အကြား စစ်ရေးတင်းမာမှု မြင့်တာလာ၍ ပြည်သူလူထုများ ပိုမိုသတိထား သွားလာကြရန် AA ဘက်က အသိပေးထားသည်။
