'/%3E%3C/svg%3E){kind=small}
စစ်ကိုင်းတိုင်း ကန့်ဘလူမြို့ ချပ်သင်းဒေသတိုက်ပွဲတွင် စစ်ကောင်စီနှင့်အတူပါလာသည့် ပျူစောထီးသုံးဦးကို ပြည်သူ့ကာကွယ်ရေးမဟာမိတ်အဖွဲ့က ဖမ်းဆီးထားသည်။
ချပ်သင်းသစ်တောကြိုးဝိုင်းအနီး တပ်စွဲထားသည့် စစ်ကောင်စီတပ်အား ပြည်သူ့ကာကွယ်ရေးမဟာမိတ်အဖွဲ့သည် (သြဂုတ် ၁၈ရက်)ညက တိုက် ခိုက်ခဲ့သည်။ ယင်းတိုက်ပွဲတွင် စစ်ကောင်စီဘက် က အကျအဆုံးများခဲ့ပြီး ပျူစောထီးသုံးဦးကို အရှင်ဖမ်းမိခြင်းဟု ကိုးတောင်ဘို့ပြည်သူ့ကာကွယ်ရေးတပ်ဖွဲ့က သြဂုတ် ၁၉ရက် ညတွင် ထုတ်ပြန်သည်။
“အဲ့ဒီညက ကိုးတောင်ဘို့က စစ်ကြောင်းရော ချပ်သင်းကစစ်ကြောင်းကိုပါ ဝင်တိုက်ခဲ့တာ။ရှေ့ရက်တွေ တိုက်ပွဲ ပြင်းထန်လာနိုင်တယ်” ဟု ကန့်ဘလူမြို့နယ် ပြည်သူ့ကာကွယ်ရေးအဖွဲ့မှ ရဲဘော်တစ်ဦးကပြောသည်။
လတ်တလောတွင် ချပ်သင်းဒေသနှင့် ကိုးတောင်ဘို့ကျေးရွာဝန်းကျင်တွင် တိုက်ပွဲပြန်ဖြစ်လာနိုင် ၍ ဒေသခံများ တိမ်းရှောင်နေထိုင်သင့်ကြောင်ပြည်သူ့ကာကွယ်ရေးတပ်ဖွဲ့က အသိပေးထားသည်။
Public Service Announcement
စစ်ကောင်စီက အထိနာပါက လေယာဥ်ဖြင့် တိုက် ခိုက်လေ့ရှိသောကြောင့် လေကြောင်းအန္တရာယ်ကိုပါ သတိပြုနေထိုင်ကြရန် ဒေသခံများအား ပြည်သူ့ကာကွယ်ရေးမဟာမိတ်အဖွဲ့က သတိပေး ထားသည်။
သြဂုတ် ၁၈ရက်က ကိုးတောင်ဘို့ရွာတိုက်ပွဲတွင် စစ်ကောင်စီက လက်နက်ကြီးဖြင့်ပစ်၍ အရပ်သားအမျိုးသမီးနှစ်ဦးသေဆုံးခဲ့သည်။
ဒေသတွင်း၌ စစ်ဘေးသင့်ပြည်သူတစ်သောင်းကျော်အထိ ရှိနေပြီဟု တော်လှန်ရေးအင်အားစုများက သတင်းထုတ်ပြန်ထားသည်။
စစ်ကောင်စီတပ်သည် ကန့်ဘလူမြို့နယ်တွင် အကြမ်းဖက်မှုများ ပိုပြုလုပ်လာပြီး အင်ငုတ္တိုရွာနှင့် ပင့်သာရွာကို မိးရှို့ဖျက်ဆီးခဲ့ကြောင်း ဒေသခံပြည်သူ့ကာကွယ်ရေးတပ်များက သတင်းထုတ်ပြန်ထားသည်။
