မကွေးတိုင်း၊ ရေစကြိုမြို့နယ်၊ ဇီးတောရွာ၌ တပ်စွဲထားသော စစ်ကောင်စီတပ်နှင့်ပျူစောထီးစခန်းချရာနေရာအားယမန်နေ့ညကရေစကြိုမြို့နယ် ပြည်သူ့ကာကွယ်ရေးတပ်ဖွဲ့ကပစ်ခတ်တိုက်ခိုက်ခဲ့ကြောင်း သတင်းရရှိသည်။
ရေစကြိုမြို့နယ် ရေလယ်ကျွန်းဒေသအား စစ်ကြောင်း ( ၄) ကြောင်းဖြင့် အကြမ်းဖက်စစ်ကြောင်းထိုးနေချိန်တွင်ယမန်နေ့(စက်တင်ဘာလ၆ရက် )ည၇နာရီခန့်ကစစ်ကောင်စီတပ်တပ်စွဲထားသော ဇီးတောရွာအားလက်နက်ကြီးလက်နက်ငယ်များဖြင့်စီးနင်းတိုက်ခိုက်ခဲ့ကြောင်း ပြည်သူ့ကာကွယ်ရေးတပ်ဖွဲ့- ရေစကြိုက သတင်းထုတ်ပြန်သည်။
အချိန်တစ်နာရီခွဲကြာ ပစ်ခတ်တိုက်ခိုက်မှုတွင်စစ်ကောင်စီတပ်နှင့်ပျူများ ထိခိုက်သေဆုံးမှုရှိနိုင်သော်လည်းအတည်မပြုနိုင်ကြောင်း ပြည်သူ့ကာကွယ်ရေးတပ်ဖွဲ့- ရေစကြိုက အသိပေးသည်။
“ညနေကတည်းက အသံတွေကြားနေရတယ်။ တော်တော်ကြာတယ်။”ဟု ရေစကြိုဒေသခံတစ်ဦးကလည်းပြောသည်။
ဖြစ်စဥ်နှင့်ပတ်သက်၍ ပြည်သူကာကွယ်ရေးတပ်ဖွဲ့- ရေစကြိုထံ ဆက်သွယ်မေးမြန်းထားပြီး ပြန်လည်ဖြေကြားခြင်း မရှိသေးပေ။
စစ်ကောင်စီတပ်များသည် စက်တင်ဘာလဆန်းတွင် ရေစကြိုရေလယ်ကျွန်းဒေသအား တကျော့ပြန် ပြန်လည်စစ်ကြောင်းထိုး မီးရှို့အကြမ်းဖက် ဖျက်ဆီးမှုများ ပြုလုပ်နေပြီး ရွာလေးရွာထက်မနည်း မီးရှို့ဖျက်ဆီးခြင်းခံထားရသည်။