Connect with us

Hi, what are you looking for?

သတင်း

ယုန်တိုးတောင်အနီးတွင် စစ်ကောင်စီတပ်အား မိုင်းဆွဲတိုက်ခိုက်ရာ ထိခိုက်သေဆုံးမှုရှိ

ယုန်တိုးတောင်အနီးတွင် စစ်ကောင်စီတပ်က တပ်စွဲထားပြီး ခရီးသွားပြည်သူများအား စစ်ဆေးငွေတောင်းခြင်း၊ ခြိမ်းခြောက်ငွေညှစ်ခြင်းများ မကြာခဏပြုလုပ်လေ့ရှိကြောင်း ဒေသခံများက ပြောသည်။

ပြီးခဲ့သည့် လပိုင်းအတွင်းက ယုန်တိုးတောင်အနီး စစ်ဆင်ရေးပြုလုပ်နေသော ဒေသတွင်းပြည်သူ့ကာကွယ်ရေးရဲဘော်အချို့အား တွေ့ရစဥ်။ ဓာတ်ပုံ-NPDF
ပြီးခဲ့သည့် လပိုင်းအတွင်းက ယုန်တိုးတောင်အနီး စစ်ဆင်ရေးပြုလုပ်နေသော ဒေသတွင်းပြည်သူ့ကာကွယ်ရေးရဲဘော်အချို့အား တွေ့ရစဥ်။ ဓာတ်ပုံ-NPDF

မန္တလေးတိုင်း၊ နွားထိုးကြီးမြို့နယ်နှင့် မြင်းခြံမြို့နယ်စပ်ရှိ ယုန်တိုးတောင်အနီးတွင် စစ်ကောင်စီတပ်အား ဒေသတွင်းပြည်သူ့ကာကွယ်ရေးအဖွဲ့များက မိုင်းဆွဲတိုက်ခိုက်ခဲ့ရာ ထိခိုက်သေဆုံးမှုများရှိကြောင်း ဒေသတွင်းသတင်းရင်းမြစ်များက ပြောသည်။

စက်တင်ဘာလ ၁၇ ရက် မွန်းလွဲ၂ နာရီခန့်က မိုင်းဆွဲတိုက်ခိုက်ခံရခြင်းဖြစ်ပြီး စစ်ကောင်စီတပ်သား လေးဦး သေဆုံးကာ တစ်ဦးဒဏ်ရာပြင်းထန်ကြောင်း မြင်းခြံလူထုလှုပ်ရှားမှုကော်မတီက အသိပေးသည်။

ယုန်တိုးတောင်အနီးတွင် စစ်ကောင်စီတပ်က တပ်စွဲထားပြီး ခရီးသွားပြည်သူများအား စစ်ဆေးငွေတောင်းခြင်း၊ ခြိမ်းခြောက်ငွေညှစ်ခြင်းများ မကြာခဏပြုလုပ်လေ့ရှိကြောင်း ဒေသခံများက ပြောသည်။

ဖြစ်စဥ်နှင့်ပတ်သက်၍ ဒေသကာကွယ်ရေးအဖွဲ့များက သတင်းထုတ်ပြန်ခြင်း မရှိသေးပေ။

Public Service Announcement

Public Service Announcement

Public Service Announcement
Public Service Announcement

ထိုနေ့ညကလည်း မြင်းခြံမြို့ပေါ်၊ အထက (၂)ကျောင်းရှိ စစ်ကောင်စီတပ်နှင့်ပျူစောထီးများသည် ရမ်းသမ်းပစ်ခတ်မှုများ ပြုလုပ်ခဲ့ပြီး ယမန်နေ့ (စက်တင်ဘာလ ၁၈ ရက်)နံနက်ပိုင်းတွင် မပေါက်ကွဲသေးသည့် လက်ပစ်ဗုံးတစ်လုံး တွေ့ရှိခဲ့ရသည်ဟု ဒေသခံများက ပြောသည်။

“မနက်ပိုင်းမှာ မပေါက်ကွဲသေးတဲ့ လက်ပစ်ဗုံး တွေ့ရပြီး စခနဲ့ပျူတွေ မကောက်ရဲဘဲ တာယာဘီးကွင်း လာချသွားတယ်လို့သိရတယ်။”ဟု မြင်းခြံလူထုလှုပ်ရှားမှုကော်မတီက အသိပေးသည်။

ပြီးခဲ့သည့် စက်တင်ဘာလ ၉ ရက်ကလည်း မြင်းခြံ-တောင်သာလမ်းပေါ်ရှိ နန်းမြင့်တောင် စစ်ကောင်စီဂိတ်ကို လက်နက်ကြီးဖြင့် ဝင်ရောက်ပစ်ခတ်တိုက်ခိုက်ခဲ့ရာ စစ်တပ်ဘက်က ထိခိုက်သေဆုံးမှုများရှိကြောင်း Natogyi People Defence Forve – NPDF က သတင်း ထုတ်ပြန်ထားသည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

နေအိမ်၃၀ခန့် မီးလောင်ပျက်စီးပြီး စစ်​ကြောင်းထနောင်းပင်လဲရွာမှာတပ်စွဲ​နေ

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။