Connect with us

Hi, what are you looking for?

သတင်း

ကန့်ဘလူနယ်မြောက်ပိုင်တွင် စစ်ကောင်စီတပ်စစ်​ကြောင်းထိုးလာ၍ရွာ​လေးရွာမှပြည်သူများ ထွက်ပြေးတိမ်းရှောင်​

ထွက်ပြေးတိမ်းရှောင်ရသည့် ကျေးရွာများသည် ရွာကြီးများဖြစ်၍ ကျေးရွာလေးရွာပေါင်း ၇၅၀၀ ခန့်ရှိနိုင်ပြီး ကန့်ဘလူခရိုင်တခုလုံး စစ်ဘေးရှောင် ၃သောင်းနီးပါးရှိကြောင်း ကျွန်းလှတက်ကြွလှုပ်ရှားသူများအဖွဲ့ဝင်တစ်ဦးက ပြောသည်။

(ထွက်ပြေးတိမ်းရှောင်လာသော ပြည်သူများ။ဓါတ်ပုံ-ကျွန်းလှတက်ကြွလှုပ်ရှားသူများအဖွဲ့)
(ထွက်ပြေးတိမ်းရှောင်လာသော ပြည်သူများ။ဓါတ်ပုံ-ကျွန်းလှတက်ကြွလှုပ်ရှားသူများအဖွဲ့)

စစ်ကိုင်းတိုင်း၊ ကန့်ဘလူမြို့နယ်မြောက်ပိုင်းတွင်စစ်ကောင်စီတပ်ကလက်နက်ကြီးများဖြင့်ပစ်ခတ်အကြမ်းဖက်စစ်ကြောင်းထိုးလာ၍ ကျေးရွာ ​လေးရွာမှ ပြည်သူ​ထောင်နှင့်ချီ ထွက်ပြေးတိမ်းရှောင်နေရကြောင်းဒေသခံများကပြောသည်။

ယနေ့ (အောက်တိုဘာလ ၄ ရက် )နံနက် ၆ နာရီ ၁၄ မိနစ်ခန့်က ကန့်ဘလူမြို့နယ် မြောက်ခြမ်းရှိ ချပ်ကုန်းရွာမှ အင်အား၆၀ကျော်ပါ စစ်ကောင်စီစစ်ကြောင်းသည် ဇော်ချောင်းရွာအား လက်နက်ကြီးများဖြင့် ပစ်ခတ်၍ဝင်ရောက်လာကြောင်း ဒေသခံများက ပြောသည်။

ထို​ကြောင့်ဇော်ချောင်းရွာအပါအဝင်လမ်းကြောတစ်လျှောက်ရှိ အလယ်ခုံရွာ၊သင်တောရွာနှင့် လွင်ကြီးရွာများရှိ ပြည်သူများမှာ ထွက်ပြေးတိမ်းရှောင်နေရကြောင်း ကျွန်းလှတက်ကြွလှုပ်ရှားသူများအဖွဲ့က ပြောသည်။

“စစ်ကြောင်းကကိုးတောင်ဘို့အထိုင်စစ်ကြောင်းပါဗျ။မနေ့က ချပ်ကုန်းရွာမှာ ညအိပ်တယ်၊ဒီမနက် ဇော်ချောင်းရွာဝင်တာပါ။ ရွာကတော့ပတ်ပတ်လည်ရွာတွေမနေရဲတော့အကုန်ပြေးကြရတဲ့သဘောပါ။”ဟု ကျွန်းလှတက်ကြွလှုပ်ရှားသူများအဖွဲ့ဝင်တစ်ဦးက People’s Spring က​ပြောသည်။

Public Service Announcement

Public Service Announcement

ထွက်ပြေးတိမ်းရှောင်ရသည့် ကျေးရွာများသည် ရွာကြီးများဖြစ်၍ ကျေးရွာလေးရွာပေါင်း ၇၅၀၀ ခန့်ရှိနိုင်ပြီး ကန့်ဘလူခရိုင်တခုလုံး စစ်ဘေးရှောင် ၃သောင်းနီးပါးရှိကြောင်း ကျွန်းလှတက်ကြွလှုပ်ရှားသူများအဖွဲ့ဝင်တစ်ဦးက ပြောသည်။

(ထွက်ပြေးတိမ်းရှောင်လာသော ပြည်သူများ။ဓါတ်ပုံ-ကျွန်းလှတက်ကြွလှုပ်ရှားသူများအဖွဲ့)
(ထွက်ပြေးတိမ်းရှောင်လာသော ပြည်သူများ။ဓါတ်ပုံ-ကျွန်းလှတက်ကြွလှုပ်ရှားသူများအဖွဲ့)

စစ်ကောင်စီတပ်သည် ကန့်ဘလူနယ်အတွင်းတွင်လ​ည်း စစ်ကြောင်းထိုး အကြမ်းဖက်၍ပြည်သူများကိုသတ်ဖြတ်မှုများ မကြာခဏ ပြုလုပ်ခဲ့ဖူးသည်။ စစ်ကိုင်း ၊မ​ကွေး တိုင်းနှင့်ချင်း၊ကရင်နီ(ကယား)၊ကရင်ပြည်နယ်စသည့်တို့တွင် စစ်​ကောင်စီတပ်က စစ်​ကြောင်းထိုးပါက လမ်း​ကြောင်းတစ်​လျှောက်ရှိ​ကျေးရွာများကို လက်နက်ကြီးဖြင့်ပစ်ခတ်ခြင်း၊မီးရှို့ခြင်း၊ပြည်သူများကို ဖမ်းဆီးသတ်ဖြတ်ခြင်း၊ဖမ်းဆီးပြီးလူသားဒိုင်းအဖြစ်အသုံးပြုခြင်း စသဖြင့်အကြမ်းဖက်၍ ​ဒေသခံများမှာ စစ်​ကောင်စီတပ်စစ်​ကြောင်းထိုးလာလျှင် ကြိုတင်ထွက်​ပြေးကြသည်။

စစ်တပ်အာဏာသိမ်းပြီး​နောက်မလုံခြုံမှုနှင့် တိုက်ပွဲများ​ကြောင့်​နေရပ်စွန့်ခွာထွက်​ပြေး​နေရသူ စက်တင်ဘာလကုန်ပိုင်းအထိ့ တစ်သန်း​ကျော်ရှိ​ကြောင်း OCHA ကထုတ်ပြန်ထားသည်။ စစ်ကိုင်းတိုင်သည် ​စစ်တပ်က နေအိမ်များမီးရှို့ဖျက်ဆီးခံရမှု​တွင်​ရော ၊ ​နေရပ်စွန်စွာထွက်​ပြေးရမှုတွင်​ရောကျန်​ဒေသအားလုံးထက်ပိုများပြီး လူဦး​ရေ ငါးသိန်း​ကျော်ရှိသည်ဟုOCHA ကဆိုသည်။ သို့​သော် အမှန်တစ်ကယ်တွင် ​မြေပြင်တွင် စစ်​ဘေး​ရှောင်အ​ရေအတွက်မှာ OCHA ထုတ်ပြန်​​သောအ​ရေအတွက်ထကိများစွာပိုများ​ကြောင်း စစ်​ဘေး​ရှောင်များကိုကူညီ​ပေး​နေသူများက​ပြောသည်။

ယမန်နေ့ အောက်တိုဘာလ ၃ ရက်နေ့ နံနက် ၇ နာရီခွဲခန့်က ကန့်ဘလူခရိုင်၊ချပ်သင်းအရှေ့စိုင်ချောင်းအနီးရှိ စစ်ကောင်စီအုပ်စု အထိုင်ချစစ်ဆေးနေသောဂိတ်အား ဒေါင်းရာဇာ(KBU-UG)အဖွဲ့က မိုင်းခွဲတိုက်ခိုက်ခဲ့ရာလေးဦးထိခိုက်ဒဏ်ရာရရှိခဲ့ပြီး ထိုလေးဦးထဲမှ နှစ်ဦးသေဆုံးနိုင်ချေများကြောင်း ၎င်းအဖွဲ့က သတင်းထုတ်ပြန်ထားသည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

ရန်ကုန်မြို့မှာ စည်ကားကြောင်းပြသဖို့ စစ်ကောင်စီက စျေးပွဲတော်တွေ အဆက်မပြတ်စီစဉ်နေပြီး လူငယ်တွေကို စောင့်ကြည့်ဖို့ ညွှန်ကြားချက်ထုတ်ထားကြောင်း လူထုနွေဦးက စုံစမ်းသိရပါတယ်။