သူရဦးရွှေမန်းရဲ့ ပြည်ထောင်စုကောင်းကျိုးဆောင်ပါတီ (UBP) ဟာ ဖျက်သိမ်းတော့မယ်လို့သိရပါတယ်။
ပါတီဖျက်သိမ်းဖို့အတွက်လည်း လုပ်ငန်းတွေ စတင်ဆောင်ရွက်နေပြီလို့သိရပါတယ်။
ပြည်ထောင်စုကောင်းကျိုးဆောင်ပါတီရဲ့ ဗဟိုအလုပ်အမှုဆောင် တစ်ဦးဖြစ်သူ ဦးစောလှထွန်းကလည်း “ပါတီ မှတ်ပုံတင်ခြင်းကနေ ဖျက်သိမ်းဖို့ဆောင်ရွက်နေပါပြီ” လို့ လူမှုကွန်ရက်ကနေ အသိပေးထားတာတွေ့ရပါတယ်။
သူရဦးရွှေမန်းဟာ ၂၀၁၅ ရွေးကောက်ပွဲမတိုင်ခင် ကြံခိုင်ရေးပါတီရဲ့ သန်းကောင်ယံ အာဏာသိမ်းပွဲမှာ ပါတီကနေ ဖယ်ရှားခံရပြီးနောက် ၂၀၁၉ ခုနှစ်အတွင်း ပြည်ထောင်စုကောင်းကျိုးဆောင်ပါတီကို တည်ထောင်ခဲ့ပါတယ်။
Public Service Announcement
ပြီးခဲ့တဲ့ ၂၀၂၀ အထွေထွေရွေးကောက်ပွဲမှာ ပြည်ထောင်စုကောင်းကျိုးဆောင်ပါတီဟာ ကိုယ်စားလှယ်ပါင်း ၉၀၀ ကျော် ဝင်ပြိုင်ခဲ့ပေမယ့်အနိုင်မရခဲ့ပါဘူး။
ဒါပေမယ့် ရွေးကောက်ပွဲအပြီး NLD ပါတီဥက္ကဋ္ဌ ဒေါ်အောင်ဆန်းစုကြည်ရဲ့ အောင်နိုင်မှုကို အထူးဂုဏ်ပြုကြောင်း သူရဦးရွှေမန်းက လူမှုကွန်ရက်မှာရေးသားခဲ့ပါတယ်။
