စစ်ကောင်စီနှင့် ပျုစောထီးရန်ကြောင့် ထွက်ပြေးလာသော ချောင်းဦးမြို့ဒေသခံစစ်ဘေးရှောင်များ အရေးပေါ် လိုအပ်နေသည့် စောင်နှင့်အနွေးထည်များကို မြောင်မြို့နယ်အခြေစိုက် တော်လှန်ရေးအင်အားစုများက ယနေ့ သွားရောက်လှူဒါန်းခဲ့သည်။
“စခနဲ့ပျုတွေကို ကြောက်ပြီး ရွာမှာမနေရဲတော့တဲ့သူတွေ ကျွန်တော်တို့နယ်မှာ လာတ်မ်းရှောင်နေရတယ်။ ဒီရက်ထဲ ရာသီဥတုကလည်း အေးလာတော့ သူတို့အတွက်လိုအပ်တာတွေ သွားထောက်ပံ့ဖြစ်တယ်”ဟု မြောင်မြိုနယ် ပြည်သူ့ကာကွယ်ရေးနှင့်လုံခြုံရေးအဖွဲ့ -CDSOM မှ ကိုနွေဦးက ပြောသည်။
ချောင်းဦးမြို့နယ် ရွှေလှေကျေးရွာနှင့်ဘေးပတ်ဝန်းကျင် ရွာအချို့မှ ဒေသခံ ၂၀၀ခန့်သည် မြောင်မြို့နယ်တွင် လာရောက်စစ်ဘေးရှောင်နေရသည်မှာ ရှစ်လခန့်ရှိနေပြီ ဖြစ်သည်။၎င်းတို့အတွက် မြောင်မြို့နယ်အတွင်းရှိ ဘုန်းကြီးကျောင်းတစ်ကျောင်းတွင် ယာယီစစ်ဘေးရှောင်စခန်းတစ်ခု ဖွင့်လှစ်ပေးထားသည်။
ထို့အပြင် ချောင်းဦးမြို့နယ် ကင်မွန်တော်နှင့်ကံကြီးကုန်းကျေးရွာတွင် စစ်ကောင်စီက တပ်စွဲထားသည်။ ဒေသခံပျုစောထီးများနှင့်ပူးပေါင်းကာ အနီးပတ်ဝန်းကျင်ကျေးရွာများကို ဖျက်ဆီးနေသည်။ ထို့ကြောင့် ဒေသခံများ နေရပ်စွန့်ခွာ ထွက်ပြေးတိမ်းရှောင်နေရခြင်း ဖြစ်သည်။
Public Service Announcement
ယနေ့(အောက်တိုဘာလ ၁၁ရက်)တွင်လည်း ချောင်းဦးမြို့နယ် ရှမ်းထူကျေးရွာမှ နေအိမ်အချို့ကို စစ်ကောင်စီတပ်နှင့်ပျုစောထီးများက မီးရှို့ဖျက်ဆီးခဲ့သည်။
