ဘားအံက စစ်​ကောင်စီသတင်း​ပေးတစ်ဦး ပစ်သတ်ခံရ

ဘားအံမြို့မှာ စစ်ကောင်စီရဲ့ သတင်းပေးတစ်ဦးဖြစ်သူ တကောင်ငကျွဲဟာ ဒီကနေ့ညနေပိုင်းက သေနတ်နဲ့အပစ်ခံရပြီး သေဆုံးသွားခဲ့တယ်လို့ မြို့ခံတွေက ပြောပါတယ်။

စစ်ကောင်စီကို အားပေးထောက်ခံပြီး သတင်းပေးဒလံတစ်ဦးအဖြစ် နာမည်ကျော်ကြားနေတဲ့ တကောင်ငကျွဲ ခေါ် ကျော်ဇင်ဝင်းဟာ သူ့ရဲ့နေအိမ်မှာရှိနေစဉ် ကားတစ်စီးနဲ့ လူ ၂ ဦးရောက်ရှိလာပြီး သေနတ်နဲ့ ၂ ချက်ပစ်ခတ်သွားခဲ့တာလို့ မျက်မြင်တွေ့သူတွေက ပြောကြပါတယ်။

သေနတ်နဲ့အပစ်ခံရပြီး ဒဏ်ရာရရှိသွားတဲ့ တကောင်ငကျွဲကို ဘားအံမြို့ တောင်ကလေးစစ်ဆေးရုံကို ပို့ဆောင်စဉ်မှာ သေဆုံးသွားခဲ့တယ်လို့ ဒေသအာဏာပိုင်တစ်ဦးက အတည်ပြုပြောကြားပါတယ်။

လက်ရှိမှာ အကြမ်းဖက်စစ်ကောင်စီတပ်တွေက CCTV ကင်မရာမှတ်တမ်းကနေတစ်ဆင့် ရှာဖွေစစ်ဆေးမှုတွေလုပ်ဆောင်နေသလို မြို့တွင်းအဝင်အထွက် စစ်ဆေးရေးဂိတ်တွေမှာလည်း ရှာဖွေမှုတွေ လုပ်ဆောင်တယ်လို့ သိရပါတယ်။

Public Service Announcement

တကောင်ငကျွဲဟာ စစ်ကောင်စီအားပေးထောက်ခံသူဖြစ်ပြီး သတင်းပေးဒလံတစ်ဦးဖြစ်သလို ဆန္ဒပြပွဲကာလက လူငယ်တွေရဲ့ သပိတ်စခန်းဖြိုခွင်း ဖမ်းဆီးခံရတဲ့ကိစ္စတွေမှာလည်း သူ့ကြောင့်ပါဝင်တယ်လို့ မြို့ခံလူငယ်တစ်ဦးက ပြောပါတယ်။

တကောင်ငကျွဲဟာ ပြီးခဲ့တဲ့နှစ် ၂၀၂၀ ရွေးကောက်ပွဲက ကရင်ပြည်နယ်မှာ ဗမာတိုင်းရင်းသားရေးရာဝန်ကြီးနေရာမှာ တသီးပုဂ္ဂလိက ကိုယ်စားလှယ်အဖြစ် ဝင်ရောက်ယှဉ်ပြိုင်ခဲ့သလို ဝန်ကြီးချုပ်ဟောင်းနဲ့ စည်ပင်ဝန်ကြီးဟောင်းတို့ကိုလည်း အဂတိအမှုနဲ့ တိုင်ကြားဆောင်ရွက်ခဲ့သူတစ်ဦးလည်း ဖြစ်ပါတယ်။