အမျိုးသားညီညွတ်ရေးအစိုးရ(NUG)ရဲ့ ကိုယ်စားလှယ်ကို ထောက်ခံဖို့ ကုလသမဂ္ဂ အထွေထွေအတွင်း ရေးမှူးချုပ်နဲ့ အဖွဲ့ဝင်နိုင်ငံ အားလုံးရဲ့ အမြဲတမ်းကိုယ်စားလှယ် သံအမတ်ကြီးတွေဆီ မေတ္တာရပ်ခံစာပေးပို့တဲ့အစီအစဉ်ကို CRPH/NUG Support Group (Australia) က စတင်လိုက်ကြောင်း ဒီနေ့ကြေညာပါတယ်။
ကမ္ဘာအရပ်ရပ်က မည်သူမဆိုပါဝင်နိုင်ပြီး အင်တာနက်စာမျက်နှာ (https://crph-nugsupportaustralia.org/recognise-nug-reject…/…) ကနေ လုပ်ဆောင်ရမှာဖြစ်ပါတယ်။
အထက်ပါ အင်တာနက်စာမျက်နှာကိုဝင်ရောက်ပြီးတာနဲ့ နိုင်ငံအမည်ကို ရွေးချယ်၊ နာမည်နဲ့ အီးမေးလ်ဖြည့်ပြီးတာနဲ့ Send my email ကို နှိပ်လိုက်တာနဲ့ လုပ်ငန်းစဉ်ပြီးဆုံးမှာဖြစ်ပါတယ်။
(၇၆) ကြိမ်မြောက် ကုလသမဂ္ဂအထွေထွေညီလာခံဟာ မနက်ဖြန် စက်တင်ဘာ ၁၄ ရက်မှာ စတင်မှာဖြစ်ပြီး ညီလာ ခံကာလအတွင်း မြန်မာနိုင်ငံရဲ့ကိုယ်စားလှယ်ကို ရွေးချယ်မှာဖြစ်ပြီး NUG ကတင်သွင်းတဲ့ ကိုယ်စားလှယ်ဖြစ် မလား၊ စစ်ကောင်စီက တင်သွင်းတဲ့ကိုယ်စားလှယ်ဖြစ်မလား၊ ဒါမှမဟုတ် ဘယ်သူ့ကိုမှ အသိအမှတ်မပြုဘဲ မြန်မာကိုယ်စားပြုထိုင်ခုံကို အလွတ်ထားမလားဆိုတာ စောင့်ကြည့်ရမှာဖြစ်ပါတယ်။
Public Service Announcement
