စစ်အုပ်ချုပ်ရေး ကြေညာထားတဲ့ မကွေးတိုင်း၊ မြိုင်မြို့နယ်အတွင်းက ကျေးရွာအချို့ မှာ ဗုံးခိုကျင်းတွေ တူးထားရတယ်လို့ ဒေသခံတွေဆီကသိရပါတယ်။
စစ်ကောင်စီဘက်ကလေကြောင်းတိုက်ခိုက်မှုနဲ့ လက်နက်ကြီးနဲ့ ပစ်ခတ်တာတွေရှိလာရင် ကာကွယ်နိုင်ဖို့အတွက် ကြိုတင်ပြင်ဆင်ထားရတာလို့လည်း ပြောပြကြပါတယ်။
ပြီးခဲ့တဲ့ ရက်ပိုင်းက မြိုင်မြို့နယ်ကို စစ်ကောင်စီဘက်က စစ်အုပ်ချုပ်ရေးကြေညာလိုက်ပြီးနောက် မြိုင်နယ်တဝိုက်မှာ ဗုံးခိုကျင်းတွေတူးလာကြတာပါ။
” ကျေးရွာတိုင်းတော့ မဟုတ်သေးပေမယ့် စစ်ကြောင်းထိုးလာနိုင်တဲ့ရွာတွေအကုန်နီးပါး ပြင်ဆင်ထားကြတယ်”လို့ မြိုင်ဒေသခံတစ်ဦးကပြောပါတယ်။
Public Service Announcement
NUG အစိုးရကလည်း ပြည်သူတွေ အနေနဲ့ စစ်ကောင်စီရဲ့လက်နက်ကြီးနဲ့လေကြောင်းတိုက်ခိုက်မှု ကနေ ကာကွယ်နိုင်ဖို့ ဗုံးခိုကျင်းတူးရာမှာ ကိုးကားနိုင်ဖို့အကြံပြုချက်တွေကိုပြီးခဲ့တဲ့ ရက်ပိုင်းကထုတ်ပြန်အသိပေးတာရှိပါတယ်။
စစ်ကောင်စီရဲ့လေကြောင်းပစ်ခတ်မှုတွေအချိန်မရွေးဖြစ်လာနိုင်တဲ့အတွက် ပြည်သူတွေအနေနဲ့လည်း ဗုံးခိုကျင်းတွေကြိုတင်ပြင်ဆင်တူးဖော်ထားကြဖို့ ၊ လေယာဉ်သံကြားရင် ဦးတည်ရာမဲ့ ပြေးလွှားတာမျိုးမလုပ်ဖို့နဲ့ ဗုံးခိုကျင်းမဟုတ်တဲ့ ဟင်းလင်းပြင်တွေမှာ စုဝေးတာမျိုးရှောင်ရှားကြဖို့ NUG အစိုးရက အသိပေးထားပါတယ်။
