စစ်ကိုင်းတိုင်း ကောလင်းမြို့နယ်တွင် စစ်ကောင်စီတပ်ယာဉ်တန်းကို ဒေသခံပြည်သူ့ကာကွယ်ရေးတပ်ဖွဲ့ (PDF)က မိုင်းဖြင့်တိုက်ခိုက်ခဲ့ရာ ယာဥ်နှစ်စီးထိခိုက်ခဲ့ကြောင်း စစ်ကိုင်းတိုင်းဒေသခံတစ်ဦးက ပြောသည်။
စက်တင်ဘာ ၁၅ရက် နံနက်အစောပိုင်းက ကောလင်းမြို့နှင့် ၁၀မိုင်ခန့်အကွာရှိ သစ်ဆိမ့်ကုန်းရွာနှင့် တောင်မော်ကျေးရွာအကြား၌ တိုက်ခိုက်ခံရခြင်းဖြစ်သည်ဟုဆို သည်။
“ဒါက လေးစီးထွက်တာ နှစ်စီးမိုင်းထိတယ်လို့ပြောတယ်။ အဲဒီလိုဖြစ်တော့ ဘေးက ရွာသားတွေကို ရမ်းပစ်တာ။ ဆိုင်ကယ် ရှေ့ကဖြတ်တာ အဲဒါကို ပစ်တာ ထိသွားတဲ့အခါ ဆိုင်ကယ်ရော လူရော တင်သွားတယ်။ ဆိုင်ကယ်ကအရပ်သား”ဟု စစ်ကိုင်းတိုင်းဒေသခံ တစ်ဦးက ပြောသည်။
တိုက်ခိုက်မှုကြောင့် စစ်ကောင်စီတပ်မှထိခိုက်သေဆုံးမှု အခြေအနေအသေးစိတ်ကို မသိရသေးဟု ဆိုသည်။
Public Service Announcement
ကောလင်းတွင် ယခင်ကတည်း စစ်ကောင်စီယာဉ်တန်းများကို ကောလင်းPDFက မိုင်းဖြင့် တိုက်ခိုက်ခဲ့၍ စစ်ကောင်စီတပ်ဖွဲ့ဝင်များသေဆုံးထိခိုက်မှုရှိခဲ့သည်။
