ကလေးမြို့ဘက်သို့ ဦးတည်မောင်းနှင်လာသောအကြမ်းဖက်စစ်ကောင်စီ ယာဉ်တန်းကို ချင်းဆိုင်ရွာအနီး ရထားသံလမ်းကုန်းကျော်တွင် PDF (Kalay) တပ်ဖွဲ့ဝင်များက မိုင်းခွဲတိုက်ခိုက်ခဲ့ရာ အကြမ်းဖက်စစ်သားရှစ်ဦး သေဆုံးခဲ့ကြောင်း ကလေး PDFက ယနေ့ညတွင် ထုတ်ပြန်သည်။
ယနေ့နေ့လည် ၁၂ နာရီဝန်းကျင်တွင် အရပ်သုံးယာဉ် ဆိုင်ကယ် ၅ စီး ကုန်တင်ကား ၄ စီး အသုံးပြု၍ တောင်ပိုင်းမှ ကလေးမြို့သို့မောင်းနှင်လာစဥ် တိုက်ခိုက်မှုကြောင့် ဆိုင်ကယ်သုံးစီးနှင့် ကားတစ်စီး ထိမှန်ပျက်စီးခဲ့ပြီး ဆိုင်ကယ်မောင်းနှင်လာသည့် အကြမ်းဖက်စစ်သားသုံး ဦးနှင့် ကုန်တင်ကားတစ်စီးပေါ်မှ အကြမ်းဖက်စစ်သား ငါးဦး စုစုပေါင်းရှစ်ဦးကို ချေမှုန်းသုတ်သင်နိုင်ခဲ့သည်ဟု ဖော်ပြထားသည်။
မိုင်းခွဲတိုက်ခိုက်ခံရပြီးနောက် မင်းအောင်လှိုင်လက်ပါး စေ အကြမ်းဖက်စစ်သားများသည် ချင်းဆိုင်ရွာဘက်သို့ ကြောက်လန့်တကြား ရမ်းသမ်းပစ်ခတ်ကာ မိုင်းထိမှန်ထားသော ယာဉ်များကို ချန်ရစ်ပြီး ကျန်ယာဉ်များပေါ်သို့ ရုပ်အလောင်းများ တင်ဆောင်ကာ ကလေးမြို့တွင်းသို့ အမြန်ဆုတ်ခွာ ထွက်ပြေးသွားခဲ့ကြောင်း ထပ်မံဖော်ပြထားသည်။
