အာဏာသိမ်းစစ်ကောင်စီ၏ အကြမ်းဖက်စစ်သား ၁၂ ဦးကို ယနေ့ချေမှုန်းသုတ်သင်နိုင်ခဲ့ကြောင်း ကလေးPDF က သတင်းထုတ်ပြန်သည်။
ယနေ့(အောက်တိုဘာလ ၇ ရက်)က တိုက်ပွဲအခြေအနေကို PDF (Kalay) People Defenc Force -Kalay)က ထုတ်ပြန်ခြင်းဖြစ်သည်။
ကလေးမြို့တွင် ယနေ့ (အောက်တိုဘာ ၇) ညနေ ၄ နာရီခန့်နှင့် ညနေ ၅နာရီခွဲခန့်တွင် နှစ်ကြိမ်တိုက်ခိုက်ရာ အကြမ်းဖက်စစ်ကောင်စီတပ်သား စုစုပေါင်း ၁၂ ဦးကို ချေမှုန်းသုတ်သင်နိုင်ခဲ့သည်ဟု ပြည်သူ့ကာကွယ်ရေးတပ်ဖွဲ့-ကလေးမြို့ (ကလေး-PDF)ကထုတ်ပြန်သည်။
ယနေ့ညနေ့ ၄ နာရီခန့်တွင် ကလေးမြို့မှ တောင်ဘက်သို့ လာသော စစ်ကားကြီး ၂ စီးပါစစ်ကောင်စီယာဥ်တန်းမှာ GTCအနီးတွင်ကားရပ်၍ လမ်းလျှောက်ချီတက်လာပြီးမိုင်းရှာဖွေစဥ် ကလေးPDF ကမိုင်းခွဲတိုက်ခိုက်သဖြင့် စစ်ကောင်စီတပ် ၄ ဦးသေဆုံးပြီး ဒဏ်ရာအများအပြားရရှိခဲ့သည်ဟုဆိုသည်။ ထို့နောက်စစ်ကောင်စီယာဥ်တန်းမှာအလောင်းများကိုကားပေါ်တင်၍ကလေးမြို့ဘက်သို့ပြန်မောင်းပြေးသွားသည်ဟုဖော်ပြထားသည်။
Public Service Announcement
ညနေ ၅နာရီ ခွဲခန့်တွင် စစ်ကောင်စီတပ်က ကား၅ စီးဖြင့် ကလေးမြို့တောင်ဘက်သို့ ထပ်မံထွက်လာရာ ထောက်ကြန့်ရွာနှင့် သာယာကုန်းရွာအကြားတွင် မိုင်းဆွဲ တိုက်ခိုက်သဖြင့် ၈ ဦးသေဆုံးကာအများအပြားဒဏ်ရာရရှိခဲ့သည်ဟုကလေးPDF ကထုတ်ပြန်သည်။မိုင်းခွဲတိုက်ခိုက်ခံရပြီးနောက် အကြမ်းဖက်စစ်သားများကထောက်ကြန့်ရွာအတွင်းရမ်းသမ်းပစ်ခတ်ခဲ့သည်ဟုဆိုသည်။
အောက်တိုဘာလ ၄ ရက်ကလည်း အကြမ်းဖက်စစ်ကောင်စီယာဥ်တန်းအား PDF(Kalay)က တိုက်ခိုက်ခဲ့ရာ ကိုးဦးသေဆုံးခဲ့သည်။ထို့ပြင် အောက်တိုဘာလ ၃ ရက်ကလည်း ကလေးမြို့တွင်း ပစ်ခတ်တိုက်ခိုက်မှု သုံးကြိမ်တွင် အကြမ်းဖက်စစ်ကောင်စီဘက်က ဆယ်ဦးထက်မနည်းသေဆုံးပြီး အများအပြားဒဏ်ရာရခဲ့သည်ဟု သတင်းထုတ်ပြန်ထားသည်။ကလေးမြို့သည် ငြိမ်းချမ်းစွာ ဆန္ဒပြနေသောပြည်သူများကိုစစ်ကောင်စီတပ်ကရက်ရက်စက်စက် သေနတ်ဖြင့်ပစ်ခတ်သတ်ဖြတ်ခံရပြီးနောက် ရရာလက်နက်တူမီးဆွဲကိုင်ပြီး စစ်ကောင်စီကိုတော်လှန်ခဲ့သော အစောဆုံးမြို့အချို့ထဲမှ တစ်မြို့ဖြစ်သည်။
