စစ်တပ်အာဏာသိမ်းမှုက NCA အခြေခံမူ အားလုံး အပေါ် ချိုးဖောက်မှု ဖြစ်ပေါ်စေကြောင်း တပ်မတော်သည် နိုင်ငံရေးပြသနာကို အင်အားသုံး အဖြေရှာသည့် စစ်အာဏာရှင်စနစ်သို့ ပြန်လည်ရောက်ရှိသွားကြောင်း KNU က ယနေ့(အောက်တိုဘာ၁၅) ထုတ်ပြန်လိုက်သည်။
လက်ရှိ ဆိုးဝါးနေသည့်နိုင်ငံ၏ အခြေအနေအား ကယ်တင်နိုင်ရန် စစ်အာဏာသိမ်းပြီးနောက် ဖမ်းထားသည့် နိုင်ငံရေးခေါင်းဆောင်များအပါအဝင် ဖမ်းဆီးခံထားရသူအားလုံး ခြွင်းချက်မရှိ အမြန်လွှတ်ပေးရန် KNU ကတောင်းဆိုသည်။
ထို့ပြင် နိုင်ငံတစ်ဝှမ်း ဖြန့်ထားသည့် ရဲနှင့်စစ်ဘက်ဆိုင်ရာတပ်ဖွဲ့များသက်ဆိုင်ရာအခြေစိုက်စခန်းများသို့ ပြန်ရုတ်သိမ်းပြီး တစ်နိုင်ငံလုံး အပစ်အခတ်ရပ်စဲကြောင်း ကြေညာအကောင်အထည်ဖော်ရန်၊ အရပ်သားများအပေါ် အကြမ်းဖက်မှု ရပ်တန့်ရေးဖော်ဆောင်ရန် တောင်းဆိုထားသည်။
တပ်မတော်၏ ဂုဏ်သိက္ခာကျဆင်းမှုကို ကယ်တင်သည့် အနေဖြင့် တပ်မတော်မှ ဖက်ဒရယ်ဒီမိုကရေစီနိုင်ငံထူထောင်ရေး ကတိကဝတ်ပြုမှုကို တရားဝင် ကြေညာခြင်းနှင့် နိုင်ငံရေးတွင် ပါဝင်နေမှုမှ နှုတ်ထွက်ကြောင်း ကြေညာရန် KNU က တောင်းဆိုခဲ့သည်။
Public Service Announcement
