'/%3E%3C/svg%3E){kind=small}
”သံပုံးတီးလို့ကွ၊ သံပုံးတီးလို့ကွ” လို့အော်ပြီး လုပ်သွားတာပါလို့ ဆိုပါတယ်။
သံပုံးတီးလို့ ကြိမ်းမောင်း၊ အိမ်တွေကို ခဲတွေနဲ့ပစ်ခတ်ဖျက်ဆီးရုံတင်မက လမ်းဘေးရပ်ထားတဲ့ ကားတွေကို ထုခွဲရိုက်နှက်သွားသလို မှုတ်ဆေးနဲ့လည်း စာတွေရေးသွားကြတယ်လို့ သိရပါတယ်။
ကားအစီးရေ ၁၅ စီးလောက် ဖျက်ဆီးခံလိုက်ရတာဖြစ်ပြီး နေအိမ်မှန်တွေကတော့ မေးမနေဘဲ လမ်းကြုံရင်သာ ဝင်ကြည့်လိုက်ပါတော့လို့ အဲ့ဒီဝန်းကျင်မှာနေတဲ့ အမျိုးသားတစ်ဦးက ဓာတ်ပုံမှတ်တမ်းတွေနဲ့အတူ လူမှုကွန်ရက်မှာ တင်ထားတာဖြစ်ပါတယ်။
“စစ်အုပ်စုက လူထုဆီက အကြောက်တရားနဲ့ နာခံမှုကို ရမယ်ထင်ပြီး အနိုင်ကျင့် ယုတ်မာပြနေတာပါ။ ဒါပေမဲ့ သူတို့ပြန်ရတာက လူထုရဲ့ အမုန်းတရားနဲ့ ရွံရှာစက်ဆုတ် အော့နှလုံးနာမှုပါပဲ”လို့ အဲ့ဒီအမျိုးသားက မှတ်ချက်ပြုထားပါတယ်။
အာဏာသိမ်းမှုကို ဆန့်ကျင်တဲ့ သံပုံးတီးလှုပ်ရှားမှုကို အာဏာသိမ်းပြီးနောက်နေ့ ဖေဖော်ဝါရီ ၂ ရက်ကတည်းက ရပ်ကွက်တွေတိုင်းမှာ မပျက်မကွက် လုပ်ခဲ့ကြပေမဲ့ ဒီနောက်ပိုင်းမှာ သံပုံးတီးတဲ့အိမ်တွေကို အကြမ်းဖက်စစ်ကောင်စီတပ်ဖွဲ့ဝင်တွေနဲ့ ရဲတွေက လေးခွနဲ့ပစ်တာ၊ သေနတ်ပစ်ဖောက်တာ၊ ဆဲဆိုကြိမ်းမောင်းတာ၊ အနီးအနားဝန်းကျင်က ပြည်သူပိုင်ပစ္စည်းတွေကို ဖျက်ဆီးတာတွေ တောက်လျှောက်လုပ်နေတာဖြစ်ပါတယ်။
Public Service Announcement
