Connect with us

Hi, what are you looking for?

News

အကြမ်းဖက်စစ်ကောင်စီတပ်ဖွဲ့ဝင်တွေက ဗိုလ်ချုပ်လမ်းက ကား ၁၅ စီးလောက်ကို ဖျက်ဆီး

မေ ၂ ရက် ည ၈ နာရီ သံပုံးတီးချိန်မှာ ဗိုလ်ချုပ်အောင်ဆန်းလမ်းတစ်လျှောက် ၄၅၊ ၄၆၊ ၄၇ လမ်းတွေကို စစ်တပ်နဲ့ ရဲတွေဝင်လာပြီး ရပ်ထားတဲ့ကားတွေကို ထုခွဲရိုက်နှက်သွားတာကြောင့် ကားအစီးရေ ၁၅ စီးထက်မနည်း ဖျက်ဆီးခံခဲ့ရတယ်လို့ အဲဒီမှာနေထိုင်သူတစ်ဦးက ပြောပါတယ်။

စစ်ကောင်စီတပ်ဖွဲ့ဝင်တွေ ဖျက်ဆီးသွားသော ကားတစ်စီး (ဓာတ်ပုံ - CJ)

”သံပုံးတီးလို့ကွ၊ သံပုံးတီးလို့ကွ” လို့အော်ပြီး လုပ်သွားတာပါလို့ ဆိုပါတယ်။
သံပုံးတီးလို့ ကြိမ်းမောင်း၊ အိမ်တွေကို ခဲတွေနဲ့ပစ်ခတ်ဖျက်ဆီးရုံတင်မက လမ်းဘေးရပ်ထားတဲ့ ကားတွေကို ထုခွဲရိုက်နှက်သွားသလို မှုတ်ဆေးနဲ့လည်း စာတွေရေးသွားကြတယ်လို့ သိရပါတယ်။

စစ်ကောင်စီတပ်ဖွဲ့ဝင်တွေ ဖျက်ဆီးသွားသော ကားတစ်စီး (ဓာတ်ပုံ – CJ)

ကားအစီးရေ ၁၅ စီးလောက် ဖျက်ဆီးခံလိုက်ရတာဖြစ်ပြီး နေအိမ်မှန်တွေကတော့ မေးမနေဘဲ လမ်းကြုံရင်သာ ဝင်ကြည့်လိုက်ပါတော့လို့ အဲ့ဒီဝန်းကျင်မှာနေတဲ့ အမျိုးသားတစ်ဦးက ဓာတ်ပုံမှတ်တမ်းတွေနဲ့အတူ လူမှုကွန်ရက်မှာ တင်ထားတာဖြစ်ပါတယ်။

စစ်ကောင်စီတပ်ဖွဲ့ဝင်တွေ ဖျက်ဆီးသွားသော ကားတစ်စီး (ဓာတ်ပုံ – CJ)

“စစ်အုပ်စုက လူထုဆီက အကြောက်တရားနဲ့ နာခံမှုကို ရမယ်ထင်ပြီး အနိုင်ကျင့် ယုတ်မာပြနေတာပါ။ ဒါပေမဲ့ သူတို့ပြန်ရတာက လူထုရဲ့ အမုန်းတရားနဲ့ ရွံရှာစက်ဆုတ် အော့နှလုံးနာမှုပါပဲ”လို့ အဲ့ဒီအမျိုးသားက မှတ်ချက်ပြုထားပါတယ်။

စစ်ကောင်စီတပ်ဖွဲ့ဝင်တွေ ဖျက်ဆီးသွားသော ကားတစ်စီး (ဓာတ်ပုံ – CJ)

အာဏာသိမ်းမှုကို ဆန့်ကျင်တဲ့ သံပုံးတီးလှုပ်ရှားမှုကို အာဏာသိမ်းပြီးနောက်နေ့ ဖေဖော်ဝါရီ ၂ ရက်ကတည်းက ရပ်ကွက်တွေတိုင်းမှာ မပျက်မကွက် လုပ်ခဲ့ကြပေမဲ့ ဒီနောက်ပိုင်းမှာ သံပုံးတီးတဲ့အိမ်တွေကို အကြမ်းဖက်စစ်ကောင်စီတပ်ဖွဲ့ဝင်တွေနဲ့ ရဲတွေက လေးခွနဲ့ပစ်တာ၊ သေနတ်ပစ်ဖောက်တာ၊ ဆဲဆိုကြိမ်းမောင်းတာ၊ အနီးအနားဝန်းကျင်က ပြည်သူပိုင်ပစ္စည်းတွေကို ဖျက်ဆီးတာတွေ တောက်လျှောက်လုပ်နေတာဖြစ်ပါတယ်။

Public Service Announcement

Public Service Announcement

ဆက်စပ်သတင်းများ

သတင်း

ပဲခူးတိုင်း အုတ်တွင်းမြို့နယ်အတွင်းစစ်ကောင်စီတပ်က ဖမ်းဆီးပြီး စစ်သားစုဆောင်းခံရသည့် တပ်သားကိုဝေယံထွန်းသည်ကရင်ပြည်နယ် အောင်ဇေယျစစ်ဆင်ရေးမှ ထွက်ပြေးပြီးကရင်အမျိုးသားလွတ်မြောက်ရေးတပ်မတော်(KNLA)ထံ အလင်းဝင်ခဲ့ကြောင်း KNLA ဗဟိုဌာနချုပ်က ယနေ့ထုတ်ပြန်သည်။

သတင်း

ရှမ်းပြည်နယ်မြောက်ပိုင်း တန့်ယန်းမြို့နယ်တွင် စစ်ကောင်စီလက်အောက်ခံ ဌာနဆိုင်ရာ ပူးပေါင်းအဖွဲ့များမှ လိုင်စင်မဲ့ကားနှင့် ဆိုင်ကယ်များဖမ်းဆီးရာ၌ ‘ဝ’တပ်ဖွဲ့(UWSA)၏ လိုင်စင်မဲ့ကားများကို မဖမ်းရဲဘဲ ဒေသခံအရပ်သားကားများကိုသာ ရွေးဖမ်းနေကြောင်း မြို့ခံများက ပြောသည်။

သတင်း

ကရင်အမျိုးသားအစည်းအရုံး(KNU) တပ်မဟာ(၂)နယ်မြေ တောင်ငူခရိုင်တွင် စစ်ကောင်စီတပ်၏ လမ်းကင်းကို တော်လှန်ရေးပူးပေါင်းတပ်က တိုက်ခိုက်ခဲ့ရာ စစ်ကောင်စီတပ်ဖွဲ့ဝင်များ သေဆုံးထိခိုက်ရှိခဲ့ကြောင်း People Defence Force Thandaung တာဝန်ရှိသူက ပြောသည်။

သတင်း

မန္တလေးမြို့ပေါ်ကလမ်း​တွေမှာဇွန်လ၁၅ရက်နေ့စပြီးစစ်​ကောင်စီတပ်ဖွဲ့ဝင်​တွေ ပိုချထားပြီး စစ်တပ်ကလုံခြုံ​ရေးကို ပိုတင်းကြပ်လာပါတယ်။