သုည/People’s Spring
ရန်ကုန်မြို့လယ်တစ်နေရာတွင် တော်လှန်လူငယ်များက ကုန်စျေးနှုန်းကျဆင်းရေးနှင့် စစ်မှုထမ်းဥပဒေ အလိုမရှိကြောင်း ကြွေးကြော်ကာ ယနေ့ (စက်တင်ဘာ ၁၉) ညပိုင်းတွင် ချီတက်ဆန္ဒပြခဲ့ကြသည်။
“ရေဘေးမကူတဲ့ စကစ ပြည်သူအားနဲ့ ဆန့်ကျင်ကြ” ၊ “ကုန်စျေးနှုန်းများကျဆင်းရေး တို့အရေး”၊ “စစ်မှုထမ်းဥပဒေ အလိုမရှိ” စသည့် ကြွေးကြော်သံများဖြင့် တိုက်ပွဲဝင်အလံများ ၊ မီးတုတ်များကိုင်စွဲကာ ရန်ကုန်မြို့ ကားလမ်းမကြီးတစ်ခုပေါ်တွင် သပိတ်အင်အားစုများနှင့် ပြည်သူများ ပူးပေါင်းချီတက်ခဲ့ကြသည်။
Public Service Announcement
ယင်းပြောက်ကျားသပိတ်စတင်သည်နှင့် တပြိုင်နက် လမ်းဘေးဝဲယာရှိ ပြည်သူများက ပူးပေါင်းဝန်းရံခဲ့ကြပြီး ယာဥ်ကြောပိတ်ဆို့မှုများ မိနစ်ပိုင်းကြာ ဖြစ်ပွားခဲ့ကြောင်း ဒေသခံပြည်သူများက ဆိုသည်။
အထွေထွေကျပ်တည်းမှုများနှင့် တပြည်လုံး ရေဘေး ကူညီကယ်ဆယ်ရေးများတွင် တာဝန်မဲ့ ပျက်ကွက်နေသည့် စစ်အာဏာရှင်၊ စစ်အုပ်စုကို လူငယ်သပိတ်ကော်မတီ(YSC) ၊ ရွှေပြည်သာ သပိတ်ကော်မတီ(SPTSC)နှင့် စစ်အာဏာရှင်ဆန့်ကျင်ရေး ရန်ကုန်အင်အားစု ( AJAY)တို့ နှင့်အတူ ကျောင်းသား ပြည်သူများ ပါဝင်ခဲ့သည်။
