“တော်လှန်ရေးအတွက်တော့ ထိရောက်မယ်ထင်တယ်။ သူ(စစ်ကောင်စီ)ဘဏ္ဍာရေးထိရင် လေယာဥ်ဆီနဲ့ ဗုံးဝယ်ဖိုတော့ ငွေနည်းသွားမှာပေါ့လေ”

မြန်မာ့အရေးတက်ကြွလှုပ်ရှားသူ ဦးဂျိမ်းရွှေနဲ့ မေးမြန်းခန်း (အပိုင်း-၁)

ဇူလိုင်-၂၄၊ ၂၀၂၅။ People’s Spring

အာဏာသိမ်းစစ်ကောင်စီကို အရေးယူပိတ်ဆိုမှုတိုးချဲ့ဖိုရည်ရွယ်တဲ့ ဥပဒေမူကြမ်းသုံးခုကို အမေရိကန်အောက်လွှတ်တော်ကော်မတီက ဇူလိုင် ၂၂ရက် တစ်ရက်တည်းအတည်ပြုလိုက်ပါတယ်။

စစ်ကောင်စီရဲ့ ပင်မငွေကြေးအရင်းအမြစ်ကို ဖြတ်တောက်ဖိုနဲ့ လေကြောင်းတိုက်ခိုက်မှုတွေ လျော့ကျစေနိုင်တဲ့ ဥပဒေမူကြမ်းသုံးခုကို အမေရိကန်အောက်လွှတ်တော် ဘဏ္ဍာရေးဆိုင်ရာကော်မတီက အတည်ပြုခဲ့တာပါ။

Public Service Announcement

https://www.facebook.com/LuduNwayOo/videos/545267458579690

အဲဒီဥပဒေမူကြမ်း ၃ခုက BRAVE Burma Act၊ Burma GAP Act နဲ့ No New Burma Funds Act တို ဖြစ်ပါတယ်။

အဲဒီဥပဒေမူကြမ်းသုံးခုမှာ ဘယ်လိုအချက်တွေ ပါဝင်လဲဆိုတာ အမေရိကန်ရောက် မြန်မာ့အရေးတက်ကြွလှုပ်ရှားသူ ဦးဂျိမ်းရွှေက People’s Spring နဲ့ သီးသန့်မေးမြန်းခန်းမှာ ရှင်းလင်းပြောပြထားပါတယ်။

ဥပဒေမူကြမ်းသုံးခုစလုံးက စစ်ကောင်စီကို ပိတ်ဆိုအရေးယူမှု ပြုလုပ်တာဖြစ်ပြီး လက်ရှိမြန်မာ့နွေဦးတော်လှန်ရေးအတွက် အထောက်အကူပြုကြောင်း ဦးဂျိမ်းရွှေက သုံးသပ်ပါတယ်။

People’s Spring က ဦးဂျိမ်းရွှေကို ဆက်သွယ်မေးမြန်းထားတဲ့ ပထမပိုင်းကို ဖော်ပြလိုက်ပါတယ်။