ကချင်ပြည်နယ်​ လတ်တ​လောစစ်​ရေး အ​ခြေအ​နေအ​ပေါ် ဗိုလ်မှူး​ကြီးနော်ဘူ​ ပြောကြားချက်

မေးမြန်း- ထားမြတ်၊သဇင်/People’s Spring

ကချင်ပြည်နယ်မှာ ကချင်လွတ်လပ်ရေးတပ်မတော်(KIA)နဲ့ ပူးပေါင်းတပ်ဖွဲ့တွေက ​ဖေ​ဖော်ဝါရီလဆန်းမှာလည်း အာဏာသိမ်းစစ်တပ်ရဲ့ စခန်း​တွေ၊ တပ်စွဲရာ​နေရာ​​တွေကို ထိုးစစ်ဆင်ရင်း ​ တိုက်ပွဲတွေ ဆက်လက်ပြင်းထန်နေပါတယ်။ KIAက ၂၀၂၄ ဒီဇင်ဘာကတည်းက မြို့သိမ်းစစ်ဆင်ရေးဆင်နွှဲနေတဲ့ ဗန်းမော်မြို့နယ်မှာ တိုက်ပွဲတွေ ဆက်ရှိနေသလို ၂၀၂၄ မတ်လ KIA ရဲ့ ထိုးစစ်ကြီးအတွင်း ခလရ(၃၂၁) အပါအဝင် စစ်ကောင်စီရဲ့ တပ်စခန်းများစွာသိမ်းနိုင်ခဲ့တဲ့ ဝိုင်းမော်မြို့နယ်မှာလည်း အခုဖေဖော်ဝါရီလဆန်းမှာ တိုက်ပွဲတွေ ပြင်းထန်နေပါတယ်။ ဒါ့အပြင် စစ်တပ်စစ်​ကြောင်းထွက်လာတဲ့ ဖားကန့်မြို့နယ်မှာလည်း KIA နဲ့ KPDF ​တွေ ဖြတ်​တောက်တိုက်ခိုက်ရင်း တိုက်ပွဲတွေပြင်းထန်​နေသလို အင်း​တော်ကြီးဘက်မှာ လည်းတိုက်ပွဲ​တွေ ဖြစ်နေပါတယ်။

ဒါကြောင့် လတ်တလော စစ်ရေး အခြေအနေတွေနဲ့ ဖေဖော်ဝါရီ ၅ရက်မှာ ကျရောက်တဲ့ ကချင်တော်လှန်ရေးနေ့မှာ ကချင်လွတ်လပ်ရေးအဖွဲ့(KIO/KIA) ဥက္ကဋ္ဌ ဗိုလ်ချုပ်ကြီးအင်ဘန်လက ကချင်ဘာသာနဲ့ မိန့်ခွန်းပြောကြားခဲ့တဲ့အထဲ ထူးခြားတဲ့ အကြောင်းအရာတွေကို KIO/KIA သတင်းပြန်ကြားရေးဌာန တာဝန်ခံ ဗိုလ်မှူးကြီးနော်ဘူကို People’s Spring က ဆက်သွယ်မေးမြန်းထားပါတယ်။