အမျိုးသားညီညွတ်​ရေးအစိုးရကို ဗြိတိန်တရားဝင်အသိ အမှတ်ပြု

ကြားကာလအမျိုးသားညီညွတ်​ရေးအစိုးရ( NUG)ကို တရားဝင်အသိအမှတ်ပြု​သော ပထမဆုံးနိုင်ငံမှာ ဗြိတိန်နိုင်ငံဖြစ်လာသည်။ 

ဧပြီ ၂၀ ရက် အစောပိုင်းတွင် အာရှဒေသဆိုင်ရာ ယူကေနိုင်ငံ၀န်ကြီး နိုင်ဂျယ်အဒမ်စ် ကအပြည်ပြည်ဆိုင်ရာ ပူး​ပေါင်း​ဆောင်ရွက်​ရေးဝန်ကြီး ​ဒေါက်တာ ဆာဆာနှင့် ဆွေးနွေးခဲ့ပြီး ပြည်ထောင်စုလွှတ်တော်ကိုယ်စားပြုကော်မတီ၏ အရေးကြီးသောလုပ်ဆောင်မှုများနှင့် ကြားကာလ အမျိုးသားညီညွတ်ရေးအစိုးရ၏ ဒီမိုကရေစီအတွက် ရပ်တည်ချက်ကို ကြိုဆိုခဲ့​ကြောင်း 
ဗြိတိန်က ယ​နေ့ ညတွင် သတင်းထုတ်ပြန်သည်။

ထိုအပြင် အမျိုးသားညီညွှတ်ရေးအစိုးရတွင် မတူကွဲပြားသော တိုင်းရင်းသားပေါင်းစုံပါဝင်မှုအတွက်လည်း ၀န်ကြီးအဒမ်စ်က ချီးကျူးခဲ့​ကြောင်းလည်းထုတ်ပြန်ချက်တွင်​ဖော်ပြထားသည်။

စစ်အာဏာသိမ်းမှုနှင့် ငြိမ်းချမ်းစွာဆန္ဒပြသူများကိုသတ်ဖြတ်ခြင်း၊ မတရားဖမ်းဆီးချုပ်နှောင်ခြင်းနှင့် ညှင်းပန်းနှိပ်စက်ခြင်းတို့အပြင် လွတ်လပ်စွာပြောဆိုခွင့်ကိုဖိနှိပ်ခြင်း စသည့်လုပ်ရပ်များကို ဒေါက်တာဆာဆာနှင့် ၀န်ကြီးအဒမ်စ်တို့က ဝေဖန်ရှုတ်ချခဲ့ပါသည်။တပ်မတော်ခေါင်းဆောင်များနှင့် ၎င်းတို့၏စီးပွားရေးလုပ်ငန်းများကို ပိတ်ဆို့သည့် ယူကေအစိုးရ၏ အရေးယူဆောင်ရွက်ချက်များကို ဝန်ကြီးအဒမ်စ်ကဖော်ပြခဲ့ပြီး နောင်တွင် ရာဇဝတ်မှု ကျူးလွန်မှုအတွက် တာ၀န်ရှိသူများကို အရေးယူနိုင်ရန် လူ့အခွင့်အရေးချိုးဖောက်မှုသက်သေအထောက်အထားများ စုဆောင်းထိန်းသိမ်းထားနိုင်ရန် ကုလသမဂ္ဂကို ယူကေအစိုးရ၏ ထောက်ပံ့မှုများနှင့် ပတ်သက်ပြီး ဝန်ကြီးက ထပ်လောင်းပြောကြားခဲ့​ကြောင်းလည်းထုတ်ပြန်ချက်တွင်ပါရှိသည်။

Public Service Announcement

၀န်ကြီးအဒမ်စ်က အကြမ်းဖက်အာဏာသိမ်းမှုအပေါ် ငြိမ်းချမ်းစွာဆန္ဒပြနေသူများ၏ ရဲစွမ်းသတ္တိကို ချီးကျူးခဲ့ပြီး အမျိုးသားညီညွှတ်ရေးအစိုးရကို လေးစားလိုက်နာရန်နှင့် ဒီမိုကရေစီလမ်းကြောင်း ပြန်လည်ဖော်ဆောင်ရန်အတွက် စစ်အာဏာရှင်များကို ယူကေအစိုးရအနေဖြင့် ဆက်လက်တိုက်တွန်းသွားမည်ဖြစ်ကြောင်း ပြောကြားခဲ့ပါသည်။